May 20 – Bo-ajar do Galji ajar!

“Aman a jengban ajar mandran g’ungteji, bar jandrumsi-nam galji ajar mandran g’ungle kahidteji, bindo antate mangba-nam adyerai” (Sanenken 91:7).

Bogad bo mandra kan ambrij lumlenden”. Runkkulen erdakulenben, bo sanna berna asan. Anab-yagi lingan, Bigardanji amanglen, Ateng kanalkalanji sagaite pedde, do sanabyun deteben. Agajanangden er ganaludan dakute birinda-lingan. Anin gijle bo radu jandruman tanangle daku Labyu-bablen daku. Kan ambrij anlen a bigardanaben abmele anogandin pangtabe. Ateng mandranji oganditeji bigardanji alumtenji a bara ganaroijdage. Gamangtungan boiboi langkadam dele janang oseng maranji apsele asuyemgijte.

Anlen daman kilkilnaben dete, Dile ayam Kitungan do mandran amangba lagaddamnaba. Kitungan, labaddi maranji a d’ong Anin asuyeman tiyte. Bo dinna bo mandran saroban saring yireten (Bagujuanaber 33:2-3).

Jandrumanji batten tambigarda-godan sanle. Anin ogandile kun ajandruman agadben abmele tungnadam orde itja gamle. Amandranji lagaddamtenji, do anabgugun ayengan. Angante kan ambrij gijle, Jajinganti ayamlen angante Kitungan a mandranji Jangardan a taniytiyan batte yirtaji. Iten gamte bibolan ganagadan abmele.

Kitunglen Jisun Kristun lagaddamlen tiydamneten U’an aitsum alumben abmele. Kan ambrij a lagaddamna aninhanglen kun ayam-lingan anabgugun dele. Do buten yirte anlen abmele, Angante U’an Kitungan anualan amdangle (Bagujuanaber 33:17).

Orde bogad Kitungan a baraling hanamdraman dete. Delejanang, ateng j’ole kun a jandruman, erkinsalenben. Anin ruang rajam lingan murdadam na. Butente abjaitadamten anin ganugun hangte (Juda 1:15).

Tanahimdam Kitungan a onagji, amben amangba goble lagaddaman abmele hangnaben dete. Aninji bigardaji a d’ong gijgijteji, do kinsan batte. Aninji lagaddaman apsele Jisu Kristun amang. Saring a hangnaben dete iten ambrij dakule Jisu Kristun a lagaddamana. Bar Anin mandradage abg’ittalen!

Okiy Kinolbe absele: “Tanimyim mar-hen ab tamsengdam do radudam; galji ajar lingan anin murdadam” (Soplomon a Kanen 5:10).