May 20 – Anab-Tudru Dinnan!

“Okij Kitungan gameten, Ordar lingan a dile erandij a pwrardanji, manan, gorjangan a jontun, do hanapung jontun, do dile ordaran a tulaban a jontun de-eteji. Seletten ettegoi na dele” (Aparamangtan 1:24).

Bogad bo mandra kan ambrij lumlenden”. Runkkulen erdakulenben, bo sanna berna asan. Anab-yagi lingan, Bigardanji amanglen, Ateng kanalkalanji sagaite pedde, do sanabyun deteben.

Agajanangden er ganaludan dakute birinda-lingan. Anin gijle bo radu jandruman tanangle daku Labyu-bablen daku. Kan ambrij anlen a bigardanaben abmele anogandin pangtabe. Ateng mandranji oganditeji bigardanji.

Alumtenji a bara ganaroijdage. Gamangtungan boiboi langkadam dele janang oseng maranji apsele asuyemgijte. Anlen daman kilkilnaben dete, Dile ayam Kitungan do mandran amangba lagaddamnaba.

Kitungan, labaddi maranji a d’ong Anin asuyeman tiyte. Bo dinna bo mandran saroban saring yireten. Jandrumanji batten tambigarda-godan sanle.

Anin ogandile kun ajandruman agadben abmele tungnadam orde itja gamle. Amandranji lagaddamtenji, do anabgugun ayengan. Angante kan ambrij gijle, Jajinganti ayamlen angante Kitungan a mandranji Jangardan a taniytiyan batte yirtaji.

Iten gamte bibolan ganagadan abmele. Kitunglen Jisun Kristun lagaddamlen tiydamneten U’an aitsum alumben abmele. Kan ambrij a lagaddamna aninhanglen kun ayam-lingan anabgugun dele. Do buten yirte anlen abmele, Angante U’an Kitungan anualan amdangle. Orde bogad Kitungan a baraling hanamdraman dete.

Delejanang, ateng j’ole kun a jandruman, erkinsalenben. Anin ruang rajam lingan murdadam na. Butente abjaitadamten anin ganugun hangte. Tanahimdam Kitungan a onagji, amben amangba goble lagaddaman abmele hangnaben dete.

Aninji bigardaji a d’ong gijgijteji, do kinsan batte. Aninji lagaddaman apsele Jisu Kristun amang. Saring a hangnaben dete iten ambrij dakule Jisu Kristun a lagaddamana. Bar Anin mandradage abg’ittalen.

Okiy Kinolbe absele: “E timyim maranji, nami anlen Kitungan a onanji na, do itente anlen a julu lingan detabe, antate endrang panunggen de-e, bindo Anin panunggen a deten adnang Anin ambrij anlen detabe, gamle anlen a galam, iten asan gamlenden, engale Anin daku, ettele anlen Anin a d’ong gijtabe” (1 Jon 3:2).