May 19 – Rirdan a Tiyte do Rirdan Adnie Pange!

“GAMANGtungan hadab ayam lingan jannong-ling-ben ganuran appaiben asan do s’i-ben a lanum a kuddub bara lingan absittaben asan, Anin a bangsa gulumising, manan, riangan rzte. Seletten amben ateng jatti maranji a d’ong rirdan a tiyte bindo amben rirdan adnie pange” (Bagujuanaber 28:12).

Amandranji lagaddamtenji, do anabgugun ayengan. Angante kan ambrij gijle, Jajinganti ayamlen angante Kitungan a mandranji Jangardan a taniytiyan batte yirtaji.

Iten gamte bibolan ganagadan abmele, Kitunglen Jisun Kristun lagaddamlen tiydamneten U’an aitsum alumben abmele. Kan ambrij a lagaddamna aninhanglen kun ayam-lingan anabgugun dele.

Do buten yirte anlen abmele, Angante U’an Kitungan anualan amdangle. Orde bogad Kitungan a baraling hanamdraman dete.

Delejanang, ateng j’ole kun a jandruman, erkinsalenben. Anin ruang rajam lingan murdadam na. Butente abjaitadamten anin ganugun hangte. Aninji bigardaji a d’ong gijgijteji, do kinsan batte. Aninji lagaddaman apsele Jisu Kristun amang. Saring a hangnaben dete iten ambrij dakule Jisu Kristun a lagaddamana. Bar Anin mandradage abg’ittalen.

Tagad labaddidamlen, karahidan, u u arakaddang lingan a karahidan. Sikkoi a manne-eten, Anten asan butente kan a sanna passijan ambrij lagaddamten.

Anab-bagu lingan, Gija, E Kitung, itsum Nam a manneben asan‘Hen yertai

Anin lagaddamlen do manile, Gamle kambolan, a‘ aneded ol lirigan Hen abmele anidan daku? A mihaman alaben asan, anlen abmele. Mandrengna-lingben anabgugun sanaisai po (2 Korinti 8:9)

Orde bo surda dane mar a deben orde abhanamar adeben, eteden lagaddaman dakupo. Eteden ambendaman lagaddamlen adakuten. Lanagadan battena ganugun a hangte. Jajingante a kanalkalanji batte birinda-lingan kanalkalan yirtai.

Tanahimdam Kitungan a onagji, amben amangba goble lagaddaman abmele hangnaben dete

Okiy Kinolbe absele: “Bindo amben GAMANG Kitung-ben a d’ong ayimben dete. Iten asan gamlenden bittin a hangben asan Anin ranaptin tiytaben, do itente analsibdaijan Anin juju-benji a temang lingan jzbjzbeten, antate, nami dinnan ambrij, Anin abojoraite” (Bagujuanaber 8:18).