May 19 – Anin a Ranadun a Ranaptin a Tam-Lanumluman Ambrij!

“Amben a j’e-m’odanji anabkudmadan dean dele,…. anlen apsele Anin a ranadun a ranaptin a tam lanumluman ambrij a ranaptin a jznjzn ganugun iten iten, kan kuddub amben rapti a galamte” (Episi 1:18-19).*

Kitungan a ranaptin boi boi surdadam. Anin ateng ranaptidam, bangsa do awrloge amainaben barij j’e-ling-len. Anten asan anlen abgugule senkendratabe.

Mojes dile ayam Kitungan a ranapti-len dirdirlen. Anin dirdirlen Kitungan a ranapti-ling apuangben asan, Misor saring Israel maranji amdungben asan. Kuddub-lingan anin Kitungan a ranaptilen dirdirlen absuiben asan: j’ee ganunglingan, janumjumanji do gananganji kun Israelanji tiyle, abhanale bakurdi mihnum sikoija kun aringring adarakunan saring, Jordon jorda bagu abmele do abmainale. Kan asan Mojes Kitungan amang gijgijle garberneten: ‘Kitung-hen aranptin surdadam’ (Danisam 14:17).

Mojes, sakkin tiyle Kitungan aranaptin abaran abmele, itente amandrengna-lingan gijle, do gamle: “E GAMANG Kitung-hen, Aman boanta-nam a d’ong sanurda-Nam do ranapti s’i-Nam apsuiben asan susule maih. Aman sadan sadle riang lingan do ordar lingan buten a kitungan barokij dakue? Do Aman a ranapti do ganugu baran ambrij buten baran lumle raptie?” (Bagujuanaber 3:24).

Nami, mangbaben aateng ranaptinji dakute. Kan ordar-lingan a ranaptinji, do banandraban aranptin, bo surda rangen aranptin, dardumturan orde kalijturan. Mandradaman aranaptin, do sanumaranji aranaptin, polecinji aranaptin itente dane maran atijleji ate.

Sonuman janang amangan ranaptin daku kun ate ateng mandranji hamdramteji sonum purpran do tonaijan kan ambrij. Bindo Kitunglen Awr-ranaptidam (Aparamangtan 17:1), do kuddub adane baran a d’ongan taniyan dele ruang-lingan do ordar-lingan (Mattiu 28:18).

Ogandiban itente amangan daku a ranaptin kun aranptin a mandranji a d’ong janang tiyle. Tanahimdam Kitungan a onagji, hamdramban a surda araptin banangsa-lingan. sonuman a ranaptin abs’idba, itente Kitungan amang saring aranptin ahangle kun batte.

Okiy Kinolbe absele: “Kan a tiki ateng onla maranji ambrij ruang lmgan boiboi surda sarrangan hen amdanglai, antate bereten, Alleluya! Ranabraban, ganugu panemengan do’ranaptin Kitung len a d’ong de ete” (Anabpungge 19:1).