May 18 – PANCHVA DIN!

“Titya Isor koishe, “Hobole dibi Pani khan ke gherav hobole bharpurn jiyai thaka jontu logote, aru hobole dibi chiriya khan keuribole uporte prithibi laga paar kori kene chehra ke akash laga Swarg khan laga” (Genesis 1:20).

Panchva sinTe nirmaan laga, Isor nirmaan korishe bharpurn jiyai thaka jontu khan ke, chiriya khan aaru maas khan ke. Sob kisim laga jontu khan ke nirmaan kora hoishe alag hisab te. Dangor ailoni pora chutu chiriya bi, Isor bonaishe tai khan ke achurit pora.

Isor Jisu sikhaishe chiriya khan ke aru koishe, “sabi chiriya khan ke hawa te” (Mathew 6:26).  Tai khan chinta nakore aha din karone. Tai khan Khali nirbhar kore Isor te aru gai Khushi ke.  “Tai khan na lagai na Kate na jama kore bhoral khan te” (Mathew 6:26).  Apuni bi lagi thakibo lage Isor te pura. Swargo Baba Jun khabole diye chiriya khan ke hawa te, dibo apuni laga dorkar khan ke.

Isor inika bi hudishe, “ ki apuni nahoi Bishi kimti utu chiriya khan pora bi?”. “ki nahoi panchta jhosorika bike duita Tama laga sikka pora? Aru nahoi ekta bi tai khan te pahore Isor pora” (Luke 12:6).  “Aru nahoi ekta bi tai khan te gire mati te nahoi kene apuni Baba laga icha pora”(Mathew 10:29).

Jitya ami khan laga Swargo Baba ke ase iman morom aru chinta utu chiriya khan karone, kiman morom Tai thakibo apuni te – Jun ke nirmaan korishe Tai laga nijor chabi te aru iki te. Hoi, apuni ke kityabi napahore ami khan Isor pora.

“hoilebi Zion koishe, “isor pora phelaishe ami ke, aru ami laga Isor pahoriahe ami ke.”  “ki ekta maiki ke nai morom lora khan ke Tai gorbh laga? Hosabi tai khan pahoribo, hoilebi Ami  napahoribo apuni ke. Sabi, ami khundishe apuninke ami laga Hath te; apuni laga bera khan nirantar agete ase Ami laga”, koi Isor pora (Isaiah 49:14-16).

Sabi chiriya khan ke. Psalm likha David koi, “ekta chiriya bi paishe ekta ghor, aru itu chiriya ekta ghosla ke Tai nijor karone, jote Tai dibo Tai laga chutu ke – apuni laga dhip khan bi, O Isor duth khan laga, ami laga Raja aru ami laga Isor”(Psalm 84:3).

Jitya David dikhishe chiriya khan ke gai thaka aru prashansha kora Isor ke Tai laga rajyo te, tai bhabna korishe nijor ke: ‘jitya itu chutu chiriya khan morom koribo pare mondir ke Isor laga iman Bishi, kiman Bishi ami morom koribo lage Tai laga dhip khan ke aru Tai laga ghor ke?’. “Ami thakishe khushi jitya tai khan koishe ami ke, “Hobole dibi ami khan ke jabole ghor te Isor laga”  (Psalm 122:1).

Bacha khan Isor laga, ki apuni nirnay lobo jinika Psalms likha khan pora koi? “kintu ekta din apuni laga ghor te ase bhal hazarta pora. Ami ekta choukidaar hi hobo ghor te ami Isor laga thaka pora tripol te biya khan laga” (Psalm 84:10).

Aji dhyan koribole laga Pobitro kotha tu hoile  (Isaiah 31:5) “ninika chiriya khan ure, inika Isor duth khan laga raksha koribo Jerusalem ke. Raksha kora te, Tai bachabo bi itu ke; paar kori kene, Tai rakhibo itu ke”.