May 18 – MANGA NI SUBA NUMIT

“Adudagi Iswarna haikhi, “ Isingna ahingba jiba marang kaina thokhansanu. Aduga malemgi mathakta atiya nongdongi ahangbada uchek waya paisanu.” (Genesis 1:20).

Leisembagi manganic suba numit aduda Iswarna marang kaina jibasing uchek amadi ngasingbu semkhi. Jiba khudingmaktu angakpa akhannaba maongda semkhibani. Chaoraba umaibidagi piklaba uchek machaphao Iswarna angakpa maongda semkhibani.

Prabhu Jesuna ucheksingda khudonbi thinduna asumna hairammi, “ atiyada pairiba ucheksingbu yengu. ” (Mathew 6:26). Mathanggi numitki damakta makhoina karisu langtaknade. Makhoina Prabhuda ngajaduna haraona esei sakli. Makhoina hunsu hunde, khaosu khaode, natraga makhoina keidasu peisinde.  ” (Mathew 6:26).  Nahaknasu Prabhuda chetna napchagadabani.  Atiyagi ucheksingbu pija pithakpiba swargagi Ipa Iswar aduna nahakki darkar oiba khudingmaktu pibigani.

Prabhuna asumnasu hangli, “ masigi ucheksingdagi henna nakhoina mamal yamba natra?sendrang mangbu peisa anida yonba nattra? Adum oinamak, Iswargi mangda makhoi amatabukaoba leite.” (Luke 12:6).  “sendrang anibu peisa amada yondra? Nakhoigi napana yabidrabadi makhoigi maraktagi ama haoba leibakta taroi. l” (Mathew 10:29).

Eikhoigi swargagi Ipa Iswarna madugi piklaba ucheksinggi damakta asukki matik wakhal toubirabadi macha oiriba eikhoigi damakta kayada wabigani. Eikhoi asi mahakki mittam louraga sembibani. Hoi, nahak  Iswarna keidoungeidasu kaothokte

“adubu Zionna haikhi, “ Jehovahna eibu thadokle, eigi Ibungona eibu  kaothokle, ,nupi amana mahakki khomjingliba machabu kaoba ngambra, mahakki mapukthokki machanipabu mahakna chanbiroidra? Hoi, makhoina kaoba yai, adum oinamak eina nahakpu kaoroi. Yengu, eina nahakpu eigi khutsinggi khubaksingda hakkhre, nahakki chekpalsing eigi mangda tattana lei. (Isaiah 49:14-16)

Sembrangsingbu yengu. Davidna hai, “ hoi, sembangna masagi damak macha konnaba mahum ama nahakki latnapunsing phaobada, he lanmi tenggolsinggi Jehovah , eigi ningthou amasung eigi Iswr.” (Psalm 84:3).

Sendrangsing amadi sembangsingna Iswargi ningnasangda Iswarbu thagattuna leiba adu uba matamda mahakna asumna wakhal toujei, “ masigi ucheksingna Iswargi ningnasangbu asukki matik nungshirabadi eihakna mahakki phankhong amadi Iswargi mapham adu karigi nungshiroidoino?’.  Makhoina eingonda haibada eina nungairammi, “ eikhoi Jehovahgi yumda chatsi.” (Psalm 122:1).

Iswargi machasing, Psalmistgumna asumna warep louduna haiba ngamgadra? Maramdi nahakki sumangda nongmatang leibana numit lising amadagi henna phei, Iswar nindabagi phiyumsingda leibadagidi eigi Iswargi yumda thong ngakpa oibana henna phei.” (Psalm 84:10)

Dhyan tougadaba: “ucheksingna paibagumna lanmi tenggolsinggi Jehovahna Jerusalembu ngakthokkani. Ngakthoklaga mahakna masibu kanbigani, lanthoklaga mahakna masibu kanthokpigani.  ” (Isaiah 31:5).