May 17 – NISHAN

Agediyar grandh 1 :14 Dadena, vathavaranen Ajji varsena malam karlena sankethavo chavunu lagacha. Vorsaruj asmanema vajalo denu kan surajen chandena tharavun srusti kido.

Nohar dadema Dev dhanassuna  nishanen melthanu Ajjek haptha kannai athra jada pani napadaju rer saru denako. Pharor mundag Moser daangethi saper nai badlanakan nishan dekalo. Yisraelevalen jathan karesaru Dev gorlir pillar loyeen nishaner nai dino.

Rahab kajako raand beeren banchadevasu vor gharer kidakina rathado dorana bhand kan vu vitakandrer vadithi nishan dino. Vuj Dev Hizkiar banchero daden surajen vor khabarema hoto javaju karan aji 15 varas jada karnako. Immanuel Dev thar sath racha kan kumar chorina nishan dino.

Surajen chandena Ajji tharavun vu Prabhu ayero daden malam karer nishaner nai renu kan thayar kidocha. Jammi vorvuj gheran pharricha katho vu  yek daden puro verich kan nishaner dakal cha. Vuj jammi surajer gheran pharricha katho yek varsena puro karajena malama karacha. Yee nishanethi Apanen Dado, vaaravo, meena, ajji varsen malam karlerecha. Hannuj apan Christhur aanga(BC) kanan Christhur mundag (AD) kana yee varser dadevun malam karlerecha. Yeej vagathen Prabhur dader anga kana Ajji Prabhur dader mundag kana badlavni vejayeval cha.

Chelavo yek dad Yesu Prabhur sath Volivar gatlan jarejana thar ayero dader nishan ku racha kan puche. Vona Yesu Luka 21:25 vachanema dademan chandeman tharavuma nishan dakavacha, dharthiparer jann samundarer halolar aatethi heta vumpar ven bhaveti padacha kan nishan ko. Darshaner grandh 22:17,20 Athman, navaleri – aakan kerecha, samalevaloi aakan kenu, tharsevalo aayeda, asaavalo jeever p8anina phokataj pileda, yindena gavai dekrojako – Ma saasij jhaldi aarochu kan kerocha, aamen Prabhu Yesu aajo.

Ajji jada dhyan Karen pado Mathai 16:3 Parbhathi asman rathadon vaadalethi cha, vothi vaalan pani avacha kan kocho, ye songevalavo, asmaner baarema valaker thamena malam chani, pan vagather nishanen valakler malam chenika?