May 17 – KANDIA ARU ANONDO!

Jeremiah 31:9 “tai khan ahibo kandi kene, aru anurodh loi kene Ami tai khan ke loi jabo. Ami berabole dibo tai khan ke nadi te pani laga,sidha rasta te jote tai khan nagiribo.”

Isor bhal ase aru Tai kitya bi nacharibo tai khan ke jun khan ahe Tai te. Tai pora loi jabo tai khan ke morom te. Tai pora loi jabo tai khan laga suku pani ke jun khan ahe Tai te, aru bonabo tai khan ke anondo. Tai ase Ekta jun ghurai tita pani ke Mara laga mitha pani te.

Jitya Hannah ahishe maujudgi te Isor laga, Tai hunishe tai laga prathana ke, dishe tai ke ekta bacha aru ghuraishe tai laga dukh ke anondo te(1 Samuel 1:20). Tai dikhishe suku pani ke Hezekiah aru dhalishe pondro saal bishi tai laga jibon te aru bodlaishe tai laga dukh ke anondo te(isaiahn38:4-5).

Tai dikhishe suku pani ke Martha laga aru Mary laga aru dilasa dishe tai khan ke wapas ani kene tai khan laga bhai Lazarus  ke jibon te. Hoi Tai kitya bi naphelai tai khan ke jun khan ahe Tai te.

Jitya apuni ahe Isor usorte, apuni ke dhulai kene sapha kore apuni llaga paap khan pora aru apuni bachi jai. Sob apuni laga shrap khan loi jai aru apuni ashishit hoi. Apuni chanagai pai sob rog pora aru pai bhal swasth ke. Dukh khan apuni laga mon laga loi jai aru apuni bhorta hoi shanty logote.

Ekta biya paap kora pichete, David kandi kene koishe Isor ke: “Isor naphelabi apuni ke apuni laga maujudgi pora, aru nalobi Apuni laga Pobitro Atma ke ami pora”(Psalm 51:11). Isor pora gale laigaishe tai ke aru khemai korishe tai laga paap khan ke.

Jitya prodigal laga lora ahishe baba usorte, swikaar kori kene tai laga paap khan ke aru hosa mon pora pachtava loi kene baba tu polai kene jaishe tai ke lobule nimite. Tai ahram dishe tai laga lora ke aru dilasa dishe tai ke. Itu nisina hi, jitya apuni ghuri ahe apuni apuni laga paap khan pora aru ahe Isor laga usorte, Tai hodai hi icha kore apuni ke morom koribole aru lobule apuni ke Tai laga hath te.

Jitya apuni ek kadam loi Isor phine, Tai lobo dosta kodom aru ahibo apuni phine. Tai pora bhorta koribo apuni laga monk e Tai laga puhor logote. Tai pora bodlai dibo apuni laga kanda ke anondo te. Tai pora dhakabo apuni laga porivaar ke Tai laga mahima logote. Awaz anondo laga aru mukti laga ase tripol te dharmikta laga. Aru tate bishi nacha gana ase.

Isor laga bacha khan, jitya bi tate porikha ase apuni laga jibon te, nahoilebi jitya apuni laga dukh tu bhugibo napara ase polabi Isor laga usorte kandi kne. Tai pora dhuribo pauni ke; lobo apuni ke aru ahram dibo apuni ke. Tai pora dibo apuni ke shanty aru anondo apuni laga jibon te. Hobole dibi apuni laga ghor ke khara koribole ekta tripol nishina dharmikta laga. Hobole dibi bhorta mahima aru prashansha pora Isor laga, aru notun gana logote Isor nimite.

Aji dhyaan koribole laga pobitro kotha tu hoile Isaiah 35:10 “aru kimaat Isor laga ghurabo, aru ahibo Zion te gana logote, hodai din laga anondo tai khan laga math ate. Tai khan pabo anondo aru khushi ke aru dukh khan polai jabo”.