May 17 – GHANO HACHO KRUPA

Ephesivalun 2:6-7Christhu Yesuma vu apane dayi dakalojako dayathi ,vor kesakkenijako krupar saavukaarpanena, avajako dadema dekalena,Christhu Yesuma apanena vorsath vatadan ,swargema vorsath besaado.

Apostle Paul lakkojako sey pathrikama yek sreshtatha cha ,vundema Yee Ephesivalun lakkojako pathrikaj yek naali srestatha cha. Ephesi pathrikama Yesu Christhu ma thamen ghano mot ashish chakan sikhavacha.

Thar vumper chajako Dever krupa vu ghan srest ann achamethi cha von thu kethithoi bheler veni.  Yee krupathij apanen  dadi dadi chalarich.

Yek admi vor kastathin genethi vadamelojako vetho. Von Yesu katho padeni ann Dever sevaken gharema sada balalethokoni. Vu admi pihema mathuthi rema ann mando vatema chaler shuru karlido, jethi vor doikidnili nash vegi. Vu varu venu kan masaj sevak araj karmelecha, lapan vu chalnujako mando vatema chaler chodokoni. Jamman pakthi vethijako kidnina aparation kidey tho vu phaido vokoni. Hanuj deemo haptha aparation kidey athoi phaido vikoni , theenmo haptha Prabhur krupathi vu manikyar aparation phaldini. Yesu Prabhu Vor dayathi vu manikyar jaan hato avagi, vothi jada Prabhu von cheepan maraner mkthethin narakamen javanaju banchadnako.

Yee admi varu vegojer pach jann thu kukan varu vego kan puchetho , Vu Dever krupathij kan ko. Sasij yee vath vor mundemathi samalero ghano achamer khabar . Hava kunvatho Prabhuma chako voseji abbethanu ma kaiven chuko vu Dever krupaj kan kacha.

Kunsi manikya reda chaduvun,gener vadithi ajji pisar vadithi reda jaanen rakshan payeroveni. Geeder grandhema Daveed lakko jathra jada Dever krupar vadi ajji kuni lakkekonthi. Soyethin jadaj haptha Krupar bagey lakkamelocha.

Dever Beptavo dadi Dever krupar vadi dyan karan vonaj ghat jallo. Valarer grandh 3:22-23 vachan kacha Karunathij apan balgeykoni, kankren katho vor daya kannai harjayeni vu heryek parabhathi navvodakal racha. Thar viswas marvacha ghan motcha.