May 17 – Asuyeman Jznjzn Bangsadam!

“Bar Kristu Jisulingan Anin ampara amrukku abdzlalen, do ruang lingan Anm ampara anrukku abgoblalen. Yante gamle Kristu Jisu lingan anlen apsele anabasuyem lingan Anin asuyeman a jznjzn bittin yertaian ayam lingan Anin rapti apsuite” (Episi 2:6-7).

Angante kuddub a kambolanji anappai Pol gamten bangsadam, kan a beran abmele bo murdadage daku Episi ranukunji abmele. Kun berna-lingan, amben agalamte bo surda anabsittan Kristun saring ate. Kitungan aa suyeman manglingben daku, boi bangsa do surdaadam, do kun abmele itjaja agasa aobjongben abmele. A surda a suyeman asan dile ayam d’onglen tangorte.

Bo mandra dakule a mandrengna lingan ateng baralen do surda ganalam-mar dakule. Bindo anin Jisun a d’ong asangemle, bar Kitungan a boantanji a d’ong janang anordin atead, a sing-lingan aganben asan. Anin gas ale do danuaih-lingan barij dakule. Ateng mandranji anin anablun abmele garberleji, anin etigoi pintu lumle dakunete. Abumung, banimbimlingan galule. Operation adead. Okij anabagu tara operation abmele idoleji, aparamangtan a operation saring. Itedeleja, Kitungan bo rubmangan lumle anabyage operation-lingan. Kitungan janang karahidan atanodba rabangle do Anin ablule kun erahidan akarahidan saring.

Angante mandranji a d’ongan ualleji anablun abmele, lagaddamlen anin gamten: ‘Asuyeman batte’. Kuni aberna amangan saring amadangben yangabangsa. Anin, Kitungan batte anablun hangle, galamle aboina ate antate asuyeman gamle.

Buteja mandran a d’ongdaman ablule adrabtie a bittin batte, a ganalaman batte, orde bangsa baran lumle. Kitungan asuyeman batte sattang, anin anablun hangte badih. Bibolan gamte, Raja Daudo idolle kan ambrij asuyeman abmele. Sanenken lingan bo soa saring awr Idoleten.

Tanahimdam Kitungan a onagji, Kitungan a suyemlen tiy-j’enaba, do asuyeman aaomdadong. Bibolan gamte: “GAMANGtungan a erztna asuyeman asan anlen san’zdan addelai, iten asan gamlenden Anin asuyeman er ahiddam. Dile tagaldan kuni tabme dete; Aman asuyeman yan a surda!” (Edana 3:22-23).

Okiy Kinolbe absele: “Anin san zdan saring mandrengna-nam tandzte; Anin erztna tanimyiman do anabasuyeman a ranubboban batte d’ong nam abrubbobte. Anin bangsa janaban batte t’od-nam abb’e m’oihtam, do dananggarda-nam raja-ontidan ambrij tabme dete” (Sanenken 103:4-5)