May 16 – Uttamta bhal kam kora laga!

Genesis 4:7 judi apuni bhal kam kure, ki apunike bi nalobo?

Judi pobitro kotha pora ami khan ke hude, ki itu uttamta nahoi judi apuni bhal kure. Kiman hosa ase itu sawal? Ami ekta biswasi boini jane. Tai bishi bhal thakishe aru hodai din hi manu ke bhal kam kuri bole mon ja, modot kuribole mon ja. Juntu homoi te manu ahi kene taike nijor laga dukh khan ke koi, tai, utu khan ke bishi morom kure aru taikhan ke modot kure

Ami itu bi dikhishe, ki bishi pora tai laga faida hi uthai. Tai khan dikhai ki taikhan bishi dukh pai ase aru tai pora poisa bi loi thake. Bishi utu boini ke morom kora khan pora taike koishe ki sob manu laga kotha ke Biswas nakuribi hoi lebi tai iku kaam diyanai utu kotha khan te.

Hoilebi tai kityabi jibon te chutu honai, hodai hi uthi thakishe, kile koile tai bhal kam kuri thake itu karone. Isor pora taike khuli kene dishe, tai nijor laga ghor bonabole pari kene. Tailaga sob bhacha khan bi bhal pora shadi kuribole parishe aru dangor hoi jaishe. Itu uthi ja tu tai laga bacha khan gyani aru bishi purishe inika nahoi, hoilebi tai laga mon te manu khan karone bishi morom thaka kaorne hi inika isor pora taike uthai dishe.

Jitya apuni jisu krista laga jibon ke sabo, tai laga mon tu hodai din hi ki bhal ase itu uporte thakishe juntu tai manu khan ka orne kuribo pare. Pobitro kotha te koi: “tai bhal kam khan kuri kene beraishe Acts 10:38.

Jisu krista bishi morom thakishe tai laga mon te bimar khan karone aru tai khan ke changai di thake. Tai mora khan ke bi jibon dishe. Tai 5hazar manu khan ke pet bhorta hobole dishe 5ta ruti aru duita mas pora. Aji laga homoi te bi, tai itu ashish laga barish diye bhal aru biya khan ke bi.

Pobitrno kotha te koi: hoilebi napahoribi bhal kuribole aru dibole, kilekoile inika daan pora hi Ios rbi khushi ase-hebrews13:16 kilekoile ami khan  sob bi khara kuribolage faisla laga kursi te Jisu laga, ki sob manu pabole  saman khan juntu tai lkhan laga gau te, utu hisab te ji tai pora kurishe, bhal hoile aru biya hoile bi” 2corinthians 5:10

Isor laga bacha khan, ki apuni  bi nijor laga jibon te dangor hobole mon jai? Bhal kuribi. Mmodot kuribi lagi thaka khan ke aru dukhiya khan ke. Sonman kuribi isor kam kora khan ke aru age ahibi tai khan ke modot kuribole. Bhal kuribi ama baba nathaka khan ke aru vidvah khan ke. Hosabi tai khan kaorne dangor ase jun khan bhal kure.

 Aji bhabna kuribole laga pobitro kotha tu hoile proverbs 3:27 dhuri nathakibi bhal ke kun khan ke apuni dibole pare, jitya apuni laga hath te  itu Shakti ase kuribole.