May 16 – Roitad Lanuman-lingan Bangsadam!

“Roitad lanuman lumlenden rapti mukka-nam atterede po?” (Aparamangtan 4:7).

Bibolan uallangten, kan batte alumte a baran bangsa orde idja. Kan a nualben ayan ajanardin? Hen galam tonanan Kitung-lingan a surpiddamna. Anin bo bangsadam do itejanang alumben abmele oskaidam dakule. Bo dinna enengoi mandranji amangba yirre a danukkanji gadlamleji, asuyeman batte anin a d’ongan sayamle.

Hen janang gijlai a baran ambrij ateng mandranji ahamdramteji ate. aninji gamte kan ambrij anlen ateng kanakalan ayamlen d’ong anin sayamtelen. Butejanang a d’ong gaamteji buteja sayamdong janangden anin sanayaman lumte, kun abernanji anin adnogandie.

Bindo anin agaja adyarnad amandrengna-lingan, iten asan gamlenden anin kuddub banangsanji lumle amandrengna-lingan. Kitungan absittale a d’ongan, s’ingaan. Bangsa birinda-lingan apasijanji sidrung-lenji do surda dane-lingan dainan hangleji. Kun ambrij, kan ate bangsa baran batte dele, orde abanudinji orde tanimyiman, asuyeman do bo hangan ambrij bo surda j’en dakule asan.

Angante amben a gijte Jisu Kristun amandrengna, Anin banangsa-lingantum do bigardaji abmele bangsa baran alumben abmele. Bibolan gamte: “Anin bangsa bangsa lanuman lumle….” (Anappai 10:38).

Jisun Kristu mutha-maranji amangling asuyemdale do absamangetenji. Anin adyermengle karhidan saring. Anin tiyjumle moloi ajar amandranji a d’ong moloi rutipon do bagu ayon batte. Nami janang, Anin appaitai bo surda rubmanganji do banangsa orde er bangsa ayam-lingan.

Bibolan gamte: “Bindo bzgarda maranji a d’ong a saiyamben, do asuyem taniyan a tiyben a karedadong, iten asan gamlenden ednegoi a kanubanjl abmele Kitungan m’oihdaten” (Ebri 13:16). “Iten asan gamlenden kuddub-len Kristun a bitsara garobgoban a temangban anabgittan a deben detalen, yante gamle dile mandran bangsa ja er bangsa ja a tam lanuman ambrij dong lingan a lanuman a j’on rapt hangtem. Kristun a d’ong a timyimtaben asan baran date” (2 Korintian 5:10).

Tanahimdam Kitungan a onagji, kan ambrij amben alumtepo? Banangsan abmele. Banadginji sayamba do er hangdrangmaranji a d’ong. Gankilba Kitungan aboantanji do sayambaji. Kundra maranji do juar-maranji abmele bangsa lumba. Butente banangsa lumte aninji abmele ajardinna bo surda banangsa dakute.

Okiy Kinolbe absele: “Sanaiyaman a ranaptin s’i-ling-nam dakulenden, ayengan a mandranji hangben asan tungna, aman aninji a d’ong er saiyamlabe dakudongne” (Bangsa Hanang 3:27).