May 16 – CHAUTHA DIN!

“Titya Isor koishe, “Hobole dibi tate puhor akash khan te swarg laga bhag koribole din ke ratinpora” (Genesis 1:14).

Chautha din te, Isor nirmaan korishe puhor khan ke akash te swarg khan laga. Akash khan juntu te iku thakanai, sundor pora sajaishe nirmaan korta Pormeshwor pora, Suraj, chandh aru Tara khan logote.

“Titya Isor bonaishe duita dangor puhor khan ke: dangor puhor Raj koribole din ke, aru Kom puhor ke Raj koribole rati ke. Tai bonaishe Tara khan ke bi” (Genesis 1:16). Isor Tai laga anginat buddhi pora nirmaan korishe tara khan ke chutu aru dangor chamak akash te; chandh ke dibole norom ujala puhor laga; aru Suraj ke dibole puhor aru gorom sob jiyai thaka jontu khan ke

Raja David prashansha kore Isor ke aru koi, “Tai ke Jun bonaishe dangor puhor khan ke, Tai laga Daya thake hodai din- Suraj ke Raj koribole din te, kilekoile Tai laga day thake hodai din; chandh aru Tara khan Raj koribole rati ke, kilekoile Tai laga Daya thake hodai din karone” (Psalm 136:7-9).

Sob biswasi prithibi te thakibo lage puhor nishina. Chela Paul icha kore apuni ke hobole  “bacha khan Isor laga iku galti nathaki kene majete biya aru tedha gusti khan laga, majete Jun laga apuni jilikibo puhor nishina prithibi te”(Philippians 2:15).  Ki apuni hobo puhor itu andhera prithibi te? Ki apuni anibo gentiles khan ke Krista te, apuni laga puhor logote- hobdo jibon laga?

Jitya apuni Sai Suraj te, apuni janibo pare trimurti ke itu te:

1. Itu ase ekta gola jui laga uncha uporte akash te
2. Kiron khan Suraj laga
3. Gorom juntu ulai itu kiron pora.

Suraj juntu uncha upor swarg te dikhai Baba Pormeshwor ke. Kiron khan Suraj laga ahe nichete prithibi te, dikhai ami khan Isor Jisu Krista ke. Aru gorom itu laga kiron laga dikhai pobitro Atma ke. Itu trimurti Isor pare raksha koribole sob Jon ke, namak mon, atma aru gau ke, iku dagi nathaki kene pobitrota te.

Scientists Jun khan porhe Suraj laga puhor ke pai itu ke shaktishali koi kene, kilekoile itu jabo pare 184,000 miles per second te. Philosophers khan Mane ki puhor ase hosa. Isor laga Manu Mane ki pobitrota ase puhor. Hoilebi ami khan ghoshna kore ki ‘krista Jisu ase pobitro puhor’.

“kintu Isor Pormeshwor ase puhor aru kawach; dibo anugrah aru mahima; iku bhal saman ke Tai narokhabo tai khan pora Jun sidha berai”(Psalm 84:11). Isor Jisu koishe, “Ami ase puhor prithibi laga. Tai Jun piche kore ami ke naberabo andhera te, hoilebi thakibo puhor jibon laga” (John 8:12).  Itu thakishe puhor Tara juntu loi jai buddhiman manu ke Jisu te utu homoi te Tai jonom laga.

Bacha khan Isor laga, hobole dibi Isor Jisu ke ujala koribole apuni laga mon aru dimag khan ke, jinika Suraj dharmikta laga

Aji dhyan koribole laga Pobitro kotha tu hoile (Mathew 13:43)  “Tirya dharmik khan jilikibo jinika suraj rajyo te tai khan Baba laga”.