May 16 – CHARMO DAD

Agadiyar grandh 1 :14 Diyyena rathen ver karaju asmanema vajalo der jyothivo veda kan ko Charmo dad Asmanema Dev vajalo der jyothivun thayar kido. Asman katho vu khaliga chajako nathkan sundarvagi chajako surya chandra tharavuthi bharan raju Dev srusti kidocha.

Agadiyar grandh 1:16 Dev diyyen yelen mot jyothina rathen yelen nankis Jyothin ajji tharavun thayar kido. Yetha Dev vor ananth genema diyyen palan karer suryan jhankajako vajalethin rathen palan karer chandran chandan rath raju Ajji tharavun jhankaju kidocha.

Geeder grandh 136:7-8 mot jyothivun banayo jena stuthi karo, vor karuna hamesha cha. Diyyena palan Karen dadena banayo jena stuthi karo, vor karuna hamesha cha kan David raj Deven stuthi kido.

Yee surajen dekajana voma thriyekathvamen dekeja.

1. Suraj yek angar lagaju chajako asmaner vuncher gundu
2. Suryar vadithi kiranalen avacha
3. Vu kiranalethi thadako maracha.

Viswasivo sada hannuj jhankajako vajaler nai renu.

Philisthivalun 2:15 Bigadgejakon thedar janner vacha, bana doshethin, Dever bana khoder beptar nai rena Apanen kidocha kan Aposthal Paul keorch.

Geeder grandh 84:11 Dev Yehova, suraj ann daal cha, Yehova krupanan mahimana dacha, saspanethi chalevalena kunsi bhalayina kareniju reni.

Yohan 8:12 pharan vundethi Yesu vathe karan – Ma jagathina vajalo chu, Marlaar ayevalo andharema chaleniju jeever vajalena palacha kan ko

Ajji jada dhyan Karen pado Mathai 13:43 Jana niyathedhar vunder Baper rajyema dader nai jhankacha, kan chajako samaleda.