May 15 – Uttamta pobitro laga!

Deuteronomy 28:9 isor pora apuni ke khara kuribo ekta pobitro manu hisab te tai nimite, jinika tai apuni ke kosom dishe.

Pobitro niom te, bishi baar, Israel laga manu khan ke pobitro manu hisab te janibole pai. Pobitro kotha te koi: “kile koile apuni khan pobitro manu ase apuni laga Isor Jehovah te; isor Jehovah pora apuni ke chunishe tai laga manu hobole, ekta kimti khazana hisab te sob manu laga uporte itu prithibi te. Deuteronomy 7:6.

Kitya bi napahoribi ki apuni ke bi chunishe isor pora, ekta pobitro manu hisab te. Pobitro ta te thakibole, itu hi apuni laga mon laga icha hobole lage. Tai bhabna kurishe apuni ke pobitro bonabole, kile koile tai apuni nimite dangor morom ase.

Itu kilekoile tai morom ase, karone hi tai phelaishe nijor laga kimti khun. Khali tai apuni ke morom kure, ki tai pora apuni ke pobitro kotha dishe bible hisab te apuni laga hath te apuni laga jibon ke bhal bonabole. Aru itu kile koile tai laga dangor morom thaka kaorne, tai apuni ke chunishe pobitro atma pora. Iso rlaga bacha khan, tai pora apuni ke pura pobitro bonabo, mon, atma aru gau te. Pobitro kotha te koi: “itya hobole dibi shanti laga isor sapha kuri dibole apuni ke pura; aru hobole dibi apuni laga pura atma, mon aru gau rakhibole dagi nathaki kene jitya isor jisu krista ahibo. 1  thessalonians 5:23.

Sabi isor jisu krista ke! Tai laga pura jibon hi pobtro thakishe. aru kile koile tai pobitro thakishe,tai jitya laga jibon thakishe aru sob par kuribole parishe0. Itu kaorne tai mon dangor hoi kene hudibole parishe: “kun pora amike dhuribo paribo pap karone?”

Pharisees, Saducees aru scribes utu homoi laga, tai ke dhubole paranai. Manu khan taike pobitro bhabe. Krista lag jibon itu prithibi tethaka homoi te, chela paul pora koi ki tai pobitro thakishe, dagi nathaki kene aru papi khan pora alag hi thakishe Hebrews 7:26.

Khali isor hi apuni ke pobitro ta dibole pare apuni laga jibon te. Khali tai hi apuni laga hath dhuri kene apuni ke hosa laga rasta te loi jabole pare psalm23:3. Khali tai hi ase jun pora puni ke gira pora bachabole pare aru bachai kene rakhibole pare ses tok.

Satan tu hazar tarika ase apuni ke pap te girabole, bodmas aru chalaki laga kam te. Film, videos, tv laga programmes, kam nathaka laga kotha khan pora puni khan ke giribole diye. Lukai kene biya kam kora, dikhava aru biya kam khan pora apuni ke pap te loi jai. Judi apuni itu khan pora akarshik hoi ase, apuni nijor laga pobitro ta ke harai loi ase aru apuni utu din te kandi bo lagibo jun din te Jisu ahibo. Iso rlaga bacha khan, hobole  dibi bhal te bhal apuni laga pobitro ta  aru itu hi mon laga icha hobole dibi. Jani lobi uttamta apuni laga pobitro hua te aru inika hi thakibi.

Aji bhabna kuribole laga pobitro kotha tu hoile 1 thessalonians 5:23“itya hobole dibi shanti laga isor sapha kuri dibole apuni ke pura; aru hobole dibi apuni laga pura atma, mon aru gau rakhibole dagi nathaki kene jitya isor jisu krista ahibo.