May 15 – MOROMIAL ARU MOROM PUA!

Philippians 1:9-11 “aru itu ami prathana kore ki apuni laga morom gherav koribo bishi aru biahi gyan te aru sob budhi te”.

“Morom aru Morom pua”:itu hobdo khan lagai kene ase  ekta anathale laga gate te. Jitya itu hobdo laga motlob kile lagaishe hudishe toh utu jaga laga dhikaari khan inika koishe: “ami khan bishi anath khan ase jun khan kea mi khan sai. Aru diye tai khan ke bhal khana, kapra aru poralikha. Itu khan sob thakile bi, tate iku anondo thakanai tai khan laga chehra te. Ami khan bishi bacha bi ase jun khan mori ase bimari pora. Jitya ami khan itu laga karon ke siashe, ami khan janibo parishe ki judi bi tai khan laga gau laga dekh bhal thik hoi ase, tate morom tu pura thakanai. Itu khali morom nathaka imite hi ase, ki tai khan laga chehra te iku chamak nahoilebi anondo thakanai. Ami khan itu karone anurodh korishe Christian ama khan ke dibole tai khan laga homoi ke dikhabole morom ke aru sabole bacha khan ke. Bishi ama khan itu laga jawab dishe. Tai khan ahishe aru dikhaishe tai khan laga morom ke bacha khan uporte; tai khan bukishe bacha khan ke, morom korishe nijor bacah khan nishina aru tai khan bishi khushi thakishe. tai khan aru sikhaishe tai khan ke sundor gana mahima laga aru parthan korishe tai khanuporte. Aru bishi kom homo te, ami khan dikhi paishe anondo aru chamak bacha khan laga chehra te”.

Hosabi, pura prithibi icha kore morom karone hi. Bacha khan icha kore morom pabole tai khan laga ama baba khan pora; aru ama baba khan icha kore morom tai khan laga bacha khan pora. Inika hi ase majete ekta maiki aru mota laga bi.’morom’ase dangor aru shakti shali juntu rakhe prithibi ke khushi.

Ki apuni khan bi icha kore manu khan morom koribole? Tini hoile apuni bi poila manu ke morom koribo lage. Chela Peter bi dishe ami khan ke iki salha tai laga epistles khan te. “aru upporte sob saman khan laga hosa morom koribi ek dusra ke” (1 Peter 4:8).

Tate duita adesh ase juntu khas ase Isor laga adesh khan  nimite. Poila, ‘ apuni morom koribo lage Isor ke Pormeshwar pura apuni laga mon, apuni laga atm aru apuni laga dimag logote” (Matthew 22:37).

Aru dusra, ‘apuni morom koribo lage apuni laga padosi ke nijor nishina’. Itu duita adesh khan te lagi ken ease Niom aru Nabi khan’.(Matthew 22:39-40).

Judi bi Jisu  thakishe barohta chela khan, khali Joh ke hi dikhaishe ‘Chela junke Jisu morom korishe’. Aru apuni pabo ki sob te epistles khan te John laga, tai koi tahke dorkar ke morom laga.

Isor laga bacha khan, hobole dibi morom ke bangi ulabole apuni laga mon pora ekta baar nishina; itu pora khushi koribo monk e Isor laga aru tai khan laga bi jun khan apuni laga usorte ase.

Aji dhyan koribole laga pobitro kotha tu hoile John 13:35 “itu khan sob pora janibo ki apuni Ami laga chela ase, judi apuni ase morom ek dusra nimite”.