May 15 – Manaridan Jznjzn Bangsa!

“Bogad amben GAMANG Kitung-ben a banaihan a mannelenden do Anin a god linganji a halenden, etteden Anin a jzbjzblen ambrij Anindaman apsele d’ong-ben Anin a maridmarge tabngijtaben” (Bagujuanaber 28:9).

Papwr Anosaij-lingan, ateng ayam, Israel maranji, marid-mar ganaman dele. Bibolan gamte: “Iten asan gamlenden amben GAMANG Kitung-ben apsele bo marid maranji. Ordar lingan a kuddub mandranji amang linganji saring d’ong-ben Anindam a tanartum bittin a deben asan GAMANG Kitung-ben sedabenten” (Bagujuanaber 7:6).

A karidadong Kitungan d’ongben a sedabenten ate, marid maranji gamle. Manarid-lingan a mengnaben ambrij, jaruloge anogalan do j’en anaargalan ambrij. Anin gabri-j’enlen d’onglen amadridben asan, surda a tanimyiman asan.

Anin a timyimlangtian asan, aten asan amihaman lale. Kun ate a tanimyiman batte, aten asan Anin d’onglen Marid Bibolan tiylanglen kun ambrij abhananaben asan mandrengnaji. Kan Anin a surda tanmyiman asan na, Marid Janggardan jababbenten. Tanahimdam Kitungan a onagji, Anin d’ongben marid abmete, Janggardalingan, pwrardalingan do d’ongan. Bibolan gamte: “Bar sanabyu-tiy Kitungdaman barijloge abmaridbente, do Gamangtung-len Jisu Kristun a yertaian adnang amben a bar Janggardan, pwrardan do d’ongan er dusadage . -etc. ranabraban de-ete” (1 Tesalonika 5:23).

Kitunglen Jisun Kristun a d’ong gijgijba! A mandrengna barij marid dakule. Do Anin marid a dakulen asan, kun batte Anin dainan hangle kun saring. Aten asan Anin gamle: “Anin amang lingan pintun daku, gamle Hen abmele buten anabdusag sakkin rapti tiyte?” (Jon 8:46).

Parosinji, Sadukinji do kun a dinna ayam-lingan, a d’ongan abdusale adrabtiadji. Mandranji gamle Kitungan marid-dam. Kristun a mandrengna kan ordar-lingan, anappai Pol gamle Kitungan Jisun mariddam, er duaihdam, er pansardidage, pintu maranji saring anansan dele, (Ebri 7:26).

Sattang Gaamangtungan d’ongben marid abmete. Anin saattang d’ongben hamle ranoitadba tagortaben (Sanenken 23:3). Do Anin sattang d’ong rabte kan kuddub kanalkalanji saring.

Sonuman ateng ajar ajar kan ambrij tagoranji dakute d’onglen pintu-lingan agadluben asan, danuihlingan do er bangsa-lingan. cinema, video, bigarda a samanaji agijben asan, kan ambrij batte d’ong gablute. Kan ambrij abaranji batte mandran amandrengna gablute pintu-lingan. bogad amben kan batte kanurkuran adelenden, manaridben abs’idte do Kitungan a dinna ayam-lingan amben aedaten, dile ayam mandrengna-lingben dainan ahangben dete. manaridan abmele galamba do kun ambrij abhananaba.

Okiy Kinolbe absele“Bar sanabyu-tiy Kitungdaman barijloge abmaridbente, do Gamangtung-len Jisu Kristun a yertaian adnang amben a bar Janggardan, pwrardan do d’ongan er dusadage . -etc. ranabraban de-ete” (1 Tesalonika 5:23).