May 14 – Andhera badal te!

Exodus 19:9 aru Isor koishe Moses ke, “thakibi, ami apuni logote ahibi Ghana badal te.”

Tate ashirbad ase jitu ghbana badal pora ulai. Ashirbad ahe itu andhera Ghana badal khan pora bi ahe. Andhera aru biya homoi pora bi Tai ani bole pare ujala laga kiran. Aru tai hi ase jun pora sura bonaishe, chand aru tara khan bi, itu prithibi ke ujala kuhribole juntu andhera te thakishe.

Itu ekta dangor ashirbad ase Christian laga jibon te, ki Isor alag pora hi tagot diye, dukh laga homoi  te aru Shakti diye jitibole. Jitya apuni berai kanda aru dukh pora, itu ane apuni ke Jisu laga usaorte. Jun khanJisu laga usorte berai, tai khan itu hosa ke janibo.

Itu atma laga path juntu apuni shikhe apuni laga dukh laga homoi te te andhera rasta te, bishi kimti ase juntu apuni shikhe apuni laga bhal aru unnati laga homoi te. Yaad rakhibi Isor laga kotha moses ke kua tu: “thakibi, ami apuni logote ahe, andhera badal te bi” apuni khan bi bhabna kuribole pare isor itu Ghana badal pora aha tu.

Jitya bijli mare, aru apuni laga jibon tu mon ke dukh diye, andhera badal pora khali itu  ke barhai diye. Itu dikhibole pai ki apuni sob phine pora dukh pora hi gherau kuri ken ease.

Hoilebi itu khan laga majote, isor koi, tai ahibo apuni logote andhera badal te aru apuni ke kosom diye andhera pora ahirbad kuribole. Kiman bi dangor kosom ase itu!

Richard umbrandt, ekta dangor isor kam kora manu, jun hi jail te thakishe 14 sal nimite pabole lagishe bishi dukh tai laga Biswas karone jail te thaka homoi te. Pichete, tai itu khan ke likhishe tai laga kiss ate kinika anubhav hoishe isor laga morom aru ahram isor laga hath tai uporte thaka homoi te jitya bi tai jail laga sipahi khan pora mar khai dukh pai. Tai koi, itu morom juntu tai paishe isor pora utu dukh laga homoi te, hazar guna bhal thakishe

Isor laga bacha khan, isor jun hi moses ke dikhibole dishe Ghana badal te, utsuk ase apuni laga aget ahibole aru apuni ke ahram dibole, jinika badal nichete pahar logote ahe.

Aji bhabna kuribole laga pobitro kotha tu hoile Isaiah 44:22 ami dagi ulai dishe, jinika Ghana badal, apuni laga galti aru badal nishina apuni laga pap khan.