No products in the cart.
May 14 – ANDHARER VAJALEMA
AdminVimochaner gradh 39:9 Yehova Mosethi yidek Ma thathi vathey kidojako Jann samlan hamesha thar vumper viswas melaju Ma andharer modmema thar vacha vutharan Avunchu kan ko.
Ghanchajako vajalema ashish cha. Andharer kholamathi saha Ashish avacha. Andharesarik velabhaveti rathoi Prabhu vajalen laayevalo cha. Kankren katho vu Jeevanero Adhilathij suryana chandena tharavuna srushti kidojako chajethi andharema dubagijako yee jagen vajalema avaju karevalo sada Vu Deavaj.
Christhuvalur jeevanema yee kathraiko ashisher jeevano cha katho, kathra velama thu duban rasthoi vu Prabhu thon vuncho vatadan Vor jorethi himmath devalo cha. Kanna thu ankir hasuthin bhavetimai chaalan jarochikatho thu Yesu Christhur dai sahavasmethi chikan aratham. Hanu Yesur sahavasmema chaleval yee sathena malam karlacha.
Assa andharer dadema avjako velama bhadama seeklajako hach athimik pataavuthi jada apan ashishethi khushithi bharpur rajako dadema sada seekerveni malamka. Yekhaptha Yehova Mosethi yidek Ma thathi vathey kidojako Jann samlan hamesha thar vumper viswas melaju Ma andharer modmema thar vacha vutharan Avunchu kan kojako vathen herdey lalenu.
Kanna veejey thar dallema khavachko, jana yee andhrero vajalaj thar paristhina mando karnakacha. Vu ku rachakatho thar gheran sey vadithi masaj ghaver nai vela avaju racha.Assa vagathema vathoi Yesu Prabhu kerocha ma vu Andharer vajalema thar dai avunchu ,vu andharero khajanaj thon denakuchu kan sogan khan kerocha. Yee sogan kathra mot vathven cha kunika!
Richard Umbrant kethanu yeko moto Dever sevak vetho . Von 14 varas jailema ghaley ,vo jailema Yesu Prabhun nammojethi bhayankaravagi marakhado, ann thukha khadotho. Athoi Vu sevak hanu ko manna Prabhur saru markutan velaghalejema ma bhada padojethin vu Prabhu manna hajarethi jadaj khushina himmathena denojen ma valakochu kacha.
Mar premer Dever beptavo Mosen dika thanu himmath dinojako Devaj thon sada himmathethi bharena balarocha. Gatlaper kuvatho vajal gheran avachko hannuj Dev thon vajaler nai thar gheran ren ashish karacha.