May 13 – UNNATI ARU SHANTI!

Psalm 122:7 “shanty hobi apuni laga bera bhitor te, unnati apuni laga mahal bhitor te”.

Kiman achurit ase ashirbaad khan shanty laga aru unnati laga! Ekta ghor ase ashirbaad jitya itu logote ase achurit shanty aru achurit swasth. Isor ase ashirbaad apuni ke aji aru koi shanty ke, bhal swasth aru unnati ke apuni uporte.

Ami jane bishi dhon manu khan ke aru jun khan laga kaam ase uncha podh te. Am dikhishe tai khan ke thaka bishi ahram jibon, dangor ghor khan te, bishi dhon sampatti logote, aru bishi naukar khan logote.

Hoilebi tate nai iku shanty taikhan laga mon te nahoilebi tai khan laga porivaar te. Tai khan laga jibon bone tita tai khan laga gau laga bimar khan pora aru alag samasya khan pora. Tai khan kande aru swal kore cholai bishi dhon ke, jote tate iku shanty nai.

Ki ase stithi apuni ghor laga? Ki apuni laga mon bhorta hoi achurit anondo aru shanty pora? Ki apuni khushi aru santusht? Nahoile tate ulai thake bishi  dukh, digdar, bimar khan apuni laga jibon te, jinika leher hagor laga?

Ki ase itya laga stithi apuni laga jibon laga, dhuribi tan pora Isor Jisu Krista ke – Rajkumar Shanti laga. Nimantrit koribi Isor ke apuni laga ghor te, jun koi: “shanty ami chari ase apuni te, Ami laga shanty Ami di ase apuni ke; itu prithibi nishina nahoi Ami apuni ke diya” (John 14:27). Lagi thakibi Tai laga theng te aru prathana koribi shanty karone apuni laga jibon te.

Ekbaar jitya chela khan bhoi korishe, aru digdar paishe tai khan laga mon te bhabna kori kene ki hobo tai khan ke, tai khanlaga malik ke suli te chaday diya pichete. “titya, iki din te sham te, hafta laga poila din te, jitya dorja khan bhondh hoishe jote chela khan jama korishile, bhoi pora jews khan laga Jisu ahishe aru khara kori tai khan laga majete aru koishe tai khan ke, “Shanti thakibi apuni khan logote” (John 20:19). Poila kotha khan Isor laga ulaishe chela khan logote tu “shanty thakibi apuni khan logote”.

Utu iki Isor hi ase aji, aru Tai bhorta  ase morom logote aru anugrah logote anibole shanty ke bodli te bhoi aru digdar laga.

Pobitro kotha te koi: “Tai bonai shanty himina khan te, aru bhorta kore apuni ke sobse bhal dahan logote” (Psalm 147:14). Lobi itu ke ekta sidha kosom nishina Isor pora apuni ke. Prathana koribi Isor ke apuni laga monk e bhorta koribole aru ghor ke achurit shanty pra. Aru rukhai dibole dukha aru  digdar khan ke apuni laga jibon te.

Isor laga bacha khan, Isor pora hosabi koribo achurit khan ke apuni laga jibon te. Bhabna koribi Tai laga kosom ke ki Tai laga bacha khan kitya bi sorom nahobo.

Aji dhayn koribole laga pobitro ktoha tu hoile 1 Chronicles 12:18 “shanty, shanty apuni te, aru shanty modotgar khan ke! Kilekoile apuni laga Isor modot kore apuni ke”