May 13 – TISRA DIN!

“Titya Isor koishe, “hobole dibi Pani ke swarg laga nichete jama koribole iki logote ekjaga te, aru hobole dibi sukha mati ke ulabole”. (Genesis 1:9).

Isor nirmaan korishe swarg khan ke aru swarg khan laga akash khan ke poila duita din khan te nirmaan laga. Aru tisra din pora, Tai laga nirmaan kora Shakti ke dhyan korishe prithibi uporte. Aji bi dui bhag tin bhag pora ase prithibi dhaki kene hagor khan te, Tai bachaishe ek bhag tin bhag laga prithibi ke manu ke thakibobkarone. Tai adesh dishe sukha mati ke ulabole, aru inika hoishe

Pani laga jaga khan jinika hagor khan, atmakarik khan dikhai sangharsh aru dukh khan ke. Pobitro kotha te koi, “gehra mata khan gehra te awaz te Apuni laga jharna khan te; sob apuni laga leher khan jaishe ami upor pora”(Psalm 42:7).

Raja David mon dukh korishe tai laga dukh aru porikha khan karone. “Ami dubi jai gehra dul-dul te, jote khara koribole nai, jote bar bahe ami uporte. Hobole nadibi barpani ke bahu bole ami upor pora, na gehra Pani ke khai dibole ami ke; aru hobole nadibi gadha ke bondh koribole bondh itu laga mukh ke ami te” (Psalm 69:2,15).

Hoilebi Isor pora dishe adhikaar Pani uporte aru bar upor te. Isor jun bhag korishe Lal Hagor ke duita; aru kun pora bonaishe Nadi Jordan ke ghuribole wapas, tai pora pratigya dishe ami khan ke aru koi: “jitya apuni paar kore Pani khan pora, ami thakibo apuni logote; aru nadi khan pora tai khan upor nabahibo apuni upor pora. Jitya apuni berai jui pora, apuni najolibo, na jui pora apuni ke kala koribo” (Isaiah 43:2

Itu karone kile Nabi Elisha pora chunoti dibo parishe Nadi Jordan ke Mari kene itu laga Pani te tai laga lathi pora aru koishe,”kote ase Isor Elijah laga?” aru jitya tai itu korishe, Pani khan Jordan laga bhag hoishe, toh Elisha paar koribo parishe.

Itu karone, apuni nahobi lage bhoi jitya tate thake Bishi baar apuni khilaf te. Isor ase apuni logote. Psalm likha khan pora koi, “itu karone amikhan nakoribo bhoi, judibi prithibi ke hatai, aru judibi pahar khan ke uthai loi jai majete hagor laga; judibi itu laga Pani gurrai aru digdar diye, judibi pahar khan hile itu phuli ja pora.” (Psalm 46:2-3).

Judibi prithi ke gherav kori kene ase hagor khan pora, Isor pora rakhishe ekta himina leher khan karone, ki itu pora khotom koribo naparibo prithibi ke. Tai pora rakhishe tai khan laga himina ke, lagai dishe dorja aru boltu ke aru adesh dishe tai khan ke, “apuni ahibo pare Khali iman dur; aru kitya bi paar nakoribo himina ke ami rakhishe apuninkarone”. Itu karone kile ami khan pare loi jabole aminkhan laga jibon ke Khushi pora; aru iku bhoi nathaki kene.

Itu nishina hi, Isor pora rakhishe himina ke sob apuni laga porikha aru dukh khan laga. Aru tai khan naparibo kityabi paar koribole utu himina khan ke aru najitibo apuni uporte. Amen!

Aji dhyan koribole laga Pobitro kotha tu hoile (Ecclesiastes 1:7) “sob nadi khan polai hagor te, hoilebi hagor nahoi bhorta utu jaga te jote pora nadi ahe, tate tainkhan ghurai arubi”.