May 13 – KUNISI THAMENI

Samundrer vumparethi avajako jorer alal masaj dhasan avukaracha. Lapan  vu  alal kannavatho samundrer vacha avachko jana vu athra jada dhasan arijako alal kunko yek mot jorevalethi thamajan ajji kanai chajummaj racha. Vo alal masaj jorethirathoi apaner Prabhu vunden manikyan naaskaranaju haddhu melmelocha.

Hanuj Christhuma chajakonen yee pathaler katho andharer vadithi masaj velabhaveti avukaracha. Yesu Prabhu vunder sath chajethi vo kunired andharethi kamjor vejayero ann harjayero kaam cheni.

Yee andharer bagal thar virodhvagi thamrich kaiko. Thar ankithi thu dekesni kaiko pan Prabhu von daithi dekrocha. Yobu 38:17 vachanema Yobun Prabhu hanu pucho, maraner bagaler vadi thon kai malam vichka?

Daveeden dekatho vor jeevano sari  yee andharethi avajako masaj velarvadithi bhavetikhado. Von kathra vela ayithoi vosejini Prabhur vumaparaj melmelochukan lakkacha.

Yeshaya 38:10 vachnema Hezkia araj karaju Mar dader Dopperer vagathema ma Maraner bagaler vadithi jayervegi, ma banchero daaden kam karlido. Athoi Dev Hezkian maraner vadithi chalavanaju jeevaner vadi chalayo.

Yee maraner bagalen buresaru Prabhu asmaner ann Siyoner bagal vagadmelocha. Yakob vor sapanema asman vugader ann dharthiparethin asmanen Sojavo nichangipar vutharan chadan jarejen ditto .

Jethi Thu kanna vatho Yesu Prabhur parvagi thamechiko jana Dev thon virodhvagi hubarmelijako bagal thar vumper jayam payeniju karacha. Ajji jada Dyan karen pado. Darshner grandh 1:17-18