May 12 – PALAN KARER VENI

Romavalun 6:14 Tham dharam sasthrer heta koni,krupar heta chojethi ,paap thamaper palan karerveni.

Christhumar jeevano masaj velathi ajjeker mundag bancher cha. Kai vasthu katho papervadithi ann apavitharethi katha maar pavithar jeevano haal vejavachkokan chamkukaracha. Vorsaruj Apostle Paul Romavalun 6:14

vachanema kacha Tham dharam sasthrer heta koni,krupar heta chojethi ,paap thamaper palan karerveni. Kanna thu Dever sannidhima thonthu haval karlechiko jana Dev vor krupama goklacha. Thu araj karsjana hanu Prabhuna kenu , ‘ Baapu mar jorepar manna hubarer hathayeni, dayakaran thar krupaper adharpaden sahaya kar’.  Jana Vor krupan thar vumper vundathanu thon jathan karacha.

Yindethi jada tharthuj Prabhur sannidhima araj karan thar pavithar jeevanen yelmalethi rakaldenu. Parabhathipor vutan Dever vathen dyan karan araj karajakonaj thon Prabhur vasu angarer nai rakadacha. Kanna thu Prabhur saru angarer sarik lagukarechiko jana Sathan thon vor jalema ghaller veni. Lapan thu sukharijako lakadir nai Dever vathen dyan karanaju Araj karanaju Dever beptathi bhalanaju revatho jana Sathan vor hathema haljalen thathi ramlacha.

Kanna thu araj karesniko jana jada mathopharan reeskarechi jethi Dever premena vor achgunen gamalechi. Ajji thar mundema balla vathey avukaracha vothi thar dallema samadhan reni. Parabhathipor vutan araj karer shuru karastho ajji paap thar vumper palan kareni.

Ma papethi cheti renu kajako sunnitharo dallethi renu. Kanna thu yee sunnithamer dall rachko jana kunsi vela avathoi Prabhur dai dhasan jaan rothanu araj karan vu velathi vu Prabhur vacha  jayam palechi.

Thu yee nankyas sunnithamer dall cheniju banchrochi katho ajji paap ma karrochu papema chu kan kelesni thar manassakshi marjathanu ajji thar jeevanema sathaner hathema haarjayeroj racha pan jayam reni. Vorsaruj Daveed Geeder grandh 119:34  vachanema kacha Ma kalalaju kar ,jana ma Thar  aagnana maanan ,mar puro dallethi vornai chaluchu.