May 12 – Nathakibo itu rajyo!

Romans 6:14 kile koile pap pora iku rajyo nathakibo apuni laga uporte, kilekoile apuni niom laga nichete nai hoilebi mafi laga ase.

Christian laga jibon tu hoile bishi manu khan ke tai khan laga dukh pora hi jani thake. Tai khan hodai hi bhoi te thake ki pap nahoile kiba biya pora tai khan ke cholabo aru tai khan nijor laga pobitro ta ke harai lobo0. Hoilebi chela paul pora koi: Romans 6:14 kile koile pap pora iku rajyo nathakibo apuni laga uporte, kilekoile apuni niom laga nichete nai hoilebi mafi laga ase.

Jitya apuni nomro kuribo aru nijor ke dibo Ios rlaga mafi te, isor pora apuni ke tai laga day pora hi dhuri lobo. Jitya apuni taike prathana te kobo: “isor, ami iku tagot nai khara kuribole nijor te. Modot kuribi ami ke apuni laga mafi te khara kuribole”, tai pora hosabi dibo apuni ke tai laga daya sob iku ginti nakuri kene aru hodai din apuni ke rakhi lobo.

Itu homoi te, itu bishi zaroori ase apuni nijor laga pobitro ta ke rakhi thakibole Ios rlaga pobitro atma logote ekta prathana lag jibon thaki kene. Prathana aru bhabna tai laga kotha khan te, hodai din laga poila homoi te, hodai din hi apuni laga din te ashirbad pora bhnorta kuri dibo. Judi apuni juli ase mon te Isor ke pabole nimite, satan pora kitya bi apuni laga jibon te rajyo kuribole naparibo. Hoilebi judi apuni ekta sukha mati nishina thake, iku prathana laga bijon nathaki kene,a ru tai laga kitab ke napuri kene aru iku rista nathaki kene isor laga bacha khan logote, itu pora khali satan nimite rasta khuli dibo apuni laga jibon te rajyo kuribole.

Prathana nathakile apuni joldi gussa hoa laga, aru nijor laga dhojyo ke dhuribole napara aru isor uporte nomro tahka ke harai dibo. Jitya apuni gussa kure, apuni biya kotha koi jai aru nijor laga mon laga shanti ke harai loi. Jitya puni bhal pora prathana laga jibon thake phujir te, iso rpora puni ke daya aru ashirbad pora bhorta kuri dibo aru pap apuni ke rajyo kuribole naparibo.

Itu zaroori ase ki apuni ekta norom mon thakibole lage, pap kea lag rakhibole. Kilekoile judi apuni norom mon thake, apuni nijor laga napungcha ke janibo, aru pap te biya khan ke, aru hodai din isor laga piche polabo jitya pap apuni laga rasta tea he, aru kandi kene isor ke matibo, aru tai laga daya nimite anurodh kuribo. Judi apuni thanada aru tan mon thake, apuni hodai din bhoi nakuribo galti pichete ki hoi.a ru inika hi pap te hiri kene atma laga jibon biya hobo aru afsos bi nahobo.

David koi: “dibi ami ke buja laga, aru ami apuni laga niom ke rakhibo; hoilbi, ami ituke sabo ami laga pura mon di kene”psalm 119:34. Isor laga bacha khan, rakhibi b hal pora apuni laga pobitro ta ke norom mon pora aru pap pora apuni ke raj kuribole naparibo.

Aji bhabna kuribole laga pobitro kotha tu hoile 1 peter 1:15 tai jun hi apuni ke pobitro matishe, pobitro ase, apuni bi apuni laga sob kam te pobitro hobi.”