May 12 – Lanangka-ling-ben Adrajagodne!

“Iten asan gamlenden pintun” lanangka-ben adrajagodne, gamenden amben anosaijan a dane lingan ted, bindo asuyeman a dane lingan daku” (Romi 6:14).

Kristu mandrengna aboi ateng kanalkalan a deten a mandrengna. Dile ayam banangtongan dakute pintu do er maridan a baranji daneteji bar manaridan s’zdte gamle. Bindo Anappai Pol gamle: “Iten asan gamlenden pintun” lanangka-ben adrajagodne, gamenden amben anosaijan a dane lingan ted, bindo asuyeman a dane lingan daku” (Romi 6:14).

Angante amben laggaddamlen do surpiddamlen ambendaman Kitungan asuyem-lingan, gamangtungan a suyeman batte hamtaben. Angante amben garber-lingan agadlamte: ‘Kitung, ranapti-hen agasa atanangben abmele. Asuyem-Nam batte tabnangih’, Anin tiytaben asuyeman erobjongdage do amben a hangte.

Kun ayam-lingan, amben ahangte maridan Kitungan a jangardan batte do ganarberan amandrengna batte. Garberan do tiyj’enan a berna-lingan, dile dinna lingan, Kitung-lingan adakuten. Bogad amben Kitungan abmele a oskailenanden, sonuman mangbaben adyirai. Bindo bogad amben er garber-ling-ben adakulenanden, a bernan er kinollabe do Kitungan a mandranji ampara er dakulenben, kun batte sonuman danegodte manglingben.

Garberan a mandrengna danuaihan do er bangsanji adjumtudte, bar ambenabs’ztte lagadben do Kitungan a tanimyiman. Amben abs’zte lanagadben do kani kuni agamte bar j’e-ling-ben asanabyun s’ztte. Angante amben tagaldaban a garberten, Kitungan asuyeman barij dete j’e-ling-ben do pintun adane mang-ling-ben saring dunglen yirte.

Kan ate jznjzn bangsadam do mang-ling-ben sayu j’en a dakuben dete, pintun sagai adakkuben asan. Iten asan gamlenden, bogad manglingben sayu j’en dakulenden, ambendaman akilkilten, er maridan, danuahen saring, pintun. Bar Kitungan amang amben abadturten, edalen, asuyeman saile do pintun saring dainan hangle. Bindo bogad mangbaben ermaridan do duaihan a j’en dekulenden, amben s’zdtaben. Amben aboi duaih j’en ahangtte do pintun-lingan s’zdtaben. Pintun-lingan s’zdle jangardadage amandrengna abs’zte.

Daudo gamle: “D’ong-hen banuddin ti-ih, etteden hen anosai-Nam mannetai, bar hen a barij uggar-hen batte antate mannetai” (Sanenken 119:34). Tanahimdam Kitungan a onagji, lagad j’en batte manarid-ben dakuba, bar pitun d’ong-lingben basudongete.

Okiy Kinolbe absele: “bindo engale Butente gudingtaben mariddam daku, ettele amben ja manannen a passijge a kuddub mandrenggod lingan mariddam deba” (1 Pitor 1:15).