May 12 – KAWACH ARU INAAM!

Genesis 15:1 “itu pichet kotha Isor laga ahishe abram te ekta drishti te, koi kene, “nokoribi bhoi, Abram. Ami apuni laga kawach ase, apuni laga sobse dangor inaam.”

Bhoi tu khatarnaak ase aru nakaratmak utsah; itu ase nishthur hatyar satan laga. Bhoi tu ekta kaam ase satan laga juntu bhagorai monk e. bhoi kitya bi ekla nahe. Itu hodai hi ane dukh, nahobole laga, dukh aru kanda.

Ami khan koi thakibole pare nakaratmak natija bhoi laga. Bishi ase jun khan haraishe tai khan laga shanty ke kilekoile bhoio karone; manu khan harai tai khan laga swasth ke bhoi karone, aru tate  bishi kissa inika bi ase jitya manu khan harai loishe nijor laga jibon ke bhoi pora.

Kinika samna kore apuni bhoi ke?sabi kinika raja David pora saishe, tai laga anbhav hisab te. Tai koi: “ami bisare Isor ke, aru Tai hunishe ami ke, aru mukti dishe ami kea mi laga sob bhoi pora” (Psalm34:4)

Jitya apuni bisare Isor ke, Tai ahe apuni usor te; aru bhoi apuni pora uri jai. Jitya bhoi laga atma sai maujudgi ke Pormeshwar laga, tai khan polai jai apuni pora, jinika nior juntu hari jai suraj utha homoi te.

Apuni kitya bi isor ke jabole dibo nalage, judi bi bhoi apuni pora jaile bi. Bishi ase, jun khan bhal lage guti dawai khabole matha bikha homoi te, bisare Isor ke khali jitya taikhan samasya te ahe. Apuni khan inika nahobo lage; hoilebi rakhibo lage Isor ke apuni usor te aru morom koribo lage hodai din hi.

Pobitro kotha te koi: “tate iku bhoi nai morom te; hoilebi thik  morom ulai diye sob bhoi khan ke” (1 john 4:18).

Aru jitya Isor apuni phine ase; apuni khan nidar hoi kene ghoshna koribo pare: “Isor ami laga phinne ase; ami bhoi nakoribo. Manu pora ki koribo paribo ami ke? (Psalm 118:6).

Bhoi pora bandhe aru bondhi bonai diye ekta manu ke; itu ase atma bandhi laga. Aru itu atma bandhi aru bhoi laga bhangabole apuno bhorta hobo lagibo Isor laga atma logote.

Pobitro kotha te koi: “kilekoile apuni panai atma ke bandhi laga aruekbar bhoi koribole, hoilebi apuni paishe Atma ke buki loa jun pora ami khan kande, “Abba, Baba” koi kene(Romans 8:15). “kilekoile Isor pora diayanai ami khan ke atma bhoi laga, hoilebi shakti aru morom laga aru bhal mon laga” (2 Timothy 1:7)

Hodai hi bhorta hobi Pobitro Atma logote. Isor utsuk ase horta koribole apuni ke Tai laga atma logote. Isor jun bhorta kore sob Tai lagabharpurnta logote, pora bhorta apuni laga cup ke bi aru giribole dio.

Isor laga bacha khan, jitya juntu thik ase ahe, tini hoile juntu ase bhag te kori lobo. Itu nishina hi, jitya Pobitro Atma dhale apuni te tagot pora, titya atma khan bhoi laga polai jabo apuni pora.

Aji dhyan koribole laga pobitro ktoha tu hoile Psalm 56:3 “jitya bi ami bhoi kore, ami apuni ke biswas koribo”.