May 11 – TAI BHAG KORISHE!

“Isor bhag korishe Pani khan ke juntu thakishe nichete akash laga Pani pora juntu thakishe uporte akash laga.”(Genesis 1:7).

Ami khan dikhe itu ke sob bhag te nirmaan laga, Isor dhyan diye dorkar ke bhag thaka jibon laga. Poila din te, Tai alag korishe puhor ke andhera pora. Dusra din te, Tai bhag korishe Pani khan ke juntu thakishe uporte akash laga Pani pora juntu thakishe nichete akash laga; aru bhag korishe tai khan ke duita te.

Ami khan laga Isor ase Ekjon Jun alag kore Memna ke bhera pora; gehu ke chamra pora. Itu nishina, Tai alag kore Biswasi khan ke Jun khan nokore biswas pora.

Jitya Isor matishe Abraham ke, Tai alag korishe tai ke ekta porivaar pora murti puja kora laga. Isor koishe Abram ke: “Ulai jabi apuni laga desh pora, apuni laga porivaar pora aru apuni laga baba laga ghor pora, matibte juntu Ami dikhabo apuni ke. Ami bonabo apuni ke dangor desh; Ami ashirvaad koribo apuni ke aru bonabo apuni laga naam ke dangor; aru apuni hobo ekta ashirvaad.”(Genesis 12:1-2).

Isor pora alag korishe ami khan ke manu khan pora itu prithibi laga. Tate ase ekta dangor aru bhal uddesh sob alag Kora te-dikhabole ami khan ke Tai laga nijor manu koi kene; ;aru ashirvaad koribole ami khan ke. Ki karon ase alag kora dhan khan ke lewa khan pora? Itu kore kilekoile shan khan hobole bhal barhija.

Jitya Abraham charishe tai laga desh ke, Lot bi jaishe tai logote. Abraham thakishe tai Jun paishe drishti ke Isor laga. Hoilebi kilekoile Lot Abhishek iki logote, tate thakishe kaam nalaga jhagra khan majete Abram aru Lot laga. Inika poristhiti te tai khan alag hoishe ekdusra pora. Lot chunishe nagar ke Sodom aru Gomorrah ke; hoilebi Abraham jaishe Canaan phine.

Jibon alag hua laga, hobo pare dukh shuru te. Hoilebi hekh te, apuni janibo aru bujibo itu laga ashirvaad ke. Jitya ami khan ahe Krista te, ami khan nijor ke loi jabo lage aru hobo lage alag poila laga jibon pora. Ami khan ke lage bodlabole ami khan laga pura dosti khan ke, rishta khan ke aru hisab jiyai thaka laga. Khali titya, ki ami khan ke pabo Aha te ami khan Isor laga.

Jitya apuni rakhe ekta chambuk ke dhul uporte jote balu ase loha gura laga, itu akarahik koribo loha gura ke aru chari dibo balu ke.

Aha te ami khan laga Isor bi hobo ekta dangor chambuk nishina. Jun khan jiyai jibon ke alag hoi kene Isor karone, tani lobo Krista Jisu phine. Hoilebi Jun khan jiyai prithibi laga jibon jinika balu chari kene thakibo.

Aji dhyan koribole laga Pobitro kotha tu hoile  (John 3:36) “Tai Jun biswas kore Putro te thakibo hodai din laga jibon ke; aru tai Jun biswas nokore Putro ke nadikhibo jibon, hoilebi khong ke Isor laga thakibo tai te”.