May 11 – Saman jun khan uporte ase!

Colossians 3:1-2 rakhibi apuni laga dimag upor laga  saman khan te, prithibi laga saman khan te nnahoi.

Kam kora laga jaga  te, kun hoilebi chutu podh laga kam kuribole mon nai. tai khan uporte uthi kene jai thakibole hi bhal lage. Itu nishina hi, apui khan bi kityabi nijor laga atma laga jibon  te mon ahram nahobole lage hoilebi nijor laga atma laga jibon te agete barhibole di thakibole lage, aru bisaribole lage aru bi uncha ashirbad khan upor pora.

Ekta manu thakishe jun hi dukan te jaishe hath laga ghori kinibole. Dukan malik pora taike duita alaga alag ghori dikhaishe. Duita gjori bi ekta company laga hi thakishe aru sabole olop iki nishina. Aru tai itu duita laga alag ke bujibole parannai.

Dukan malik pora koishe, ki ekta model tu hoile 1000 laga ase aru dusra tu hoile 3000 laga aru warranty bi ase, hoilebi kom daam lag ate tu nai. itya utu man utu bujibole parishe ki kom daam laga tu nakli thakishe aru aru ekta wala tu hi asli thakishe.

Itu nishina hi, itu prithibi pora hosa aru misa khan ke bi dikhai. Hoilebi isor pora khali ekta saman hi upor laga dikhai, hoilebi satan pora aru bi itu prithibi laga nokli saman khan hi dikhai thake jun khan ekdin toh khotom hoi jabo. Satan pora dikhai prithibi laga lobh khan. Hoilebi ami  khan laga isor tu hoile swarg laga ahram ke dikhai. Thakibole dibi apuni laga suku hodai din upor laga saman khan te, jun khan uttam ase aru hodai din karone ase.

Esau aru Jacob khan tu kokai bhai thakishe. esau laga suku khan thaki ekbar thaka laga saman khan uporte thakishe aru tai laga icha khan te. Khali ekbar laga khana pabole, tai nijor laga poila jonom laga hok tu bhai ke di dishe. Hoilebi Jacob  tu  inika thakanai, tai dhyan dishe juntu saman uporte ase aru itu karone tai tyag  kuribole tayar thakishe.

Ekta purana ganaase tamale te ji tu koi: ami kitgya bi prithibi laga saman khan piche nahobo aru inika korile kimti hira suku pora harai jabo. Yate prithibi koa tu hoile, lobh khan ke ki ase, suku aru gau laga. Apuni khan kitya bi pap te nagirbo lage aru nijor laga kimti uphar narak pora bachi ja ke harai nalobi juntu jisu krista pora ami khan paishe. Kilekoile tai iman hi kimti ase, sobse uncha aru tai jun hi hodai din karone  apuni logote thakibo itya aru aha kali bi,

Isor laga bacha khan, apuni ki bhabna kure a[uni laga jibon te, kit u zaroori ase? Apuni laga dhyan prithibi laga saman khan te ase na uporte hodai din thaka laga swrag te? Bisaribi jun saman khan uporte ase, juntu isor laga ase apuni kaorne.

 Aji bhabna kuribole laga pobitro kotha tu hoile psalm 73:25 kun ase amilaga swarg te hoilebi apuni? Aru itu prithibi te kun bi nai juntu ami  icha kore apuni usorte thakibole.