May 11 – BAHAR JUA ARU BHITOR AHA!

Psalm 121:8 “Isor pora bachabo apuni ke bahar jua te aru apuni bhitor aha te itu homoi pora, aru hodai din karone”.

Jibon tu pura bahar jua aru bhitor aha hi ase. Ami khan jai kaam phujir te aru wapas ahe shamte, jitya ami khan kamai – poisa ahe ami khan te. Aru jitya ami khan kharcha kore – poisa ulai jai ami khan pora. Iki ase dhon aru unnati , ami khan laga jibon te.

Hoiolebi Isor pora koi: “ashirbaad ase apuni ke jitya apuni bhitor ahe, aru ashirbaad ase apuni ke jitya apuni ulai jai”.(Deuteronomy 28:6). Judi apuni prathana kora manu ase aru jai Isor laga maujudgi logote, apuni bahar jua aru bhitor aha ashirbaad hobo jote apuni jaile bi. Pobitro kotha koi: “apuni laga sob rasta te swikar hobi Tai te, aru Tai pora dikhabo apuni laga rasta”(Proverbs 3;6).

Jitya moses icha korishe jabole, tai icha korishe jabole maujudgi te Isor laga. Tai prathana korishe Isor ke aru koishe: “judi Apuni laga maujudgi najai ami khan logote, na anibi ami khan ke upor yate pora”. Isor loge loge jawab dishe aru kosom khaishe: “Ami laga maujudgi jabo apuni logote, aru Ami dibo apuni ke ahram” (Exodus 33:14).

Ekbaar ekta jawan manu thakishe jun paishe ekta avsar prachar koribole ekta dangor girja te, aru tai bishi ghamandi thakishe utu nimite. Tai tayar korishe ekta bhal samachar, aru lagaishe sobse bhal kapra, aru jaishe manch te, nirbhar kori kene pura tai nijor laga bal te.

Tai shuru korishe tai laga samachar ke bhal pora, hoilebi panch minute pichete tai pura tai laga dhyan hari loishe. Tai laga jibh bhandhi jaishe aru kuchis kori thakishe; aru napar hoishe smachar ke age kobole nimite. Pura sabha shuru korishe ninda koribo aru hashi bole tai uporte. Aru tai jabole ulaishe manch pora sorom te matha niche kori kene.

Tate laga chief pastor saishe itu khan sob aru matishe utu jawan manu ke aru koishe taike: “bhai, judi apuni upor manch te inika hisab te jinika apuni niche ahishe, tini hoile apuni niche ahibo thakishe jinika apuni upor jaishile”. Alag j kotha te, judi tai jai nomro hoi kene, tai niche ahibo thakishe dangor mahima te.

Isor laga bacha khan, gherav  koribi nijor ke nomrota pora. Apuni laga jibon te, dibi poila sthan pathana ke. Hoshiyar hobi aru nichit koribi ki maujudgi Isor laga alag huanai apuni pora. Titni hoile Isor pora ashirbaad koribo apuni bahar jua te aru apuni bhitor aha te. Tate shanty hobo apuni bahar jua te aru apuni bhitor aha te.

Psalms likha David  pora koi: “hosa bi bhal aru daya piche hobo ami ke sob  din khan tea mi jibon laga; aru ami thakibo ghorte Isor laga hodai din nimite” (Psalm 23:6).

Aji dhyan koribole laga pobitro kotha tu hoile 1 Samuel 29:6 “hosa bi, jinika Isor thake, apuni ase sidha, aru apuni bahar jua te aru apuni bhitor aha te ami logote sipahi khan logote ase bhal ami laga nazar te”