May 11 – Agadiyar grandh 1 :7

Dev vu vishalatha karan vumparer jalamena heter jalamena ver veda kan kojana vu prakar vegi.

Dev verega Talan chajako jeevaner bagey malam karevasu, heryek dader srustin Apanen dekalocha. Agediyar dad Dev andharemathi vajalen ver kido. Deemo dad jalamevur vacha jalamevun dee bhaga dakal ver kido kan dekacha.

Apaner Prabhu Yesu chelimathi gorlivun talevalo cha, baskamathi ghavvena ver karevalo, hannuj aviswasivuthi viswasivun cheti karevalo sada vuj.

Yeej thara Abrahamen Agadiyar grandh 12:1-2 vachanema thar deshena thar gharena thar yadi bapen chodan Ma dakalujako deshen jo kan Dev balayo. Jana thona Ma ashsis karan thar namen vuncho paduchu kan ko.

Dev Apanen ashsis karevasu yee lokemathi ver karan vor sayaama balathanu ashsis karnu keleroch. Kassen panta avukarajana kalapen kanakacha katho vu panta Ajji hachethi avunu kenaj kunika.

Hannuj Abrahamen Devaj balayo jana vor sath Lothu sada aayotho jethi vunder bayavur vacha ladai vethanu vo doi ver vejathanu Lothu Sodom gomorrah na dagargo. Abramen Dev Canaanen dekalan voma chalayo jen dekacha.

Kanna apan Dever saru sey chonakacha ko janna arambhama kasta reja kaiko lapan akharir ashis ghano moto kajako savaaden bhulnu koni.

Kunvatho ayaskanthmer akarshanathi yiskama bhalan rajako lovo chut javacha, akharima vu yiska chodajavacha loyer cheejevoj laagan racha. Hannuj apaner Prabhu Yesu Christhur sahavasema apan yee loker asaan chonaken vor laar chuntan rer seeklenu.

Ajji jada dhyan Karen pado Yohan 3:36 Betana viswas karevalo, shaswith jeevevalo, Betan maanenijako jeeven dekeni, pan Dever rees vopar thamman racha.,