May 10 – Jun khan uttam ta ke rakhibole napare!

Genesis 49:3 Reuben apuni ami laga poila jonom ase, ami lag atagot aru shuru huaami laga tagot, utu uttamta ami laga niom laga aru uttamta ami laga Shakti laga.

Reuben tu bishi bhal te jonom kurishe. Kile koile tai sob se poila jonom thakishe Jacob laga chokra khan majote, tai oaishe tai laga sobse poila jonom laga hok. Ami khanlaga isor  junke mate Abraham Isaac aru Jacob laga isor matibole lagishe reuben laga isor bi.

Hebrew lag kotha te, itu kotha reuben laga motlob tu hoile, sabi ekta chokra. Aru tamil te, itu laga motlob tu hoile jun hi sundor ase. Hoilebi kile koile tai lobh pora bhorta hoishe aru tai laga baba logote ekta bisna te thakishe aru tai laga uttam thaka ke sob harai loishe juntu tai laga hok thakishe.

Khali tai nijor laga uttam ke harai loa nahoi hoilebi tai laga baba laga shrap bi tai paishe. Tai laga ses kotha te tai laga chokra ke Jacob pora reuben ke shrap kurishe: thik narukha pani nishina, apuni kityabi najitibo, kilekoile apuni uthishe apuni laga baba laga bisna te; aru itu ke moila kurishe.

Bishi manu aase jun khan tai khan laga nijor laga uttam ke rakhibole napare, juntu isor pora daya thaki kene dishe. Pobitro kotha pora itu bi koi: aru duth khan jun khan tai khanlaga thik sonman te thakanai, tai khan nijor laga kursi ke charibole lagishe, tai pora rakhi dishe hodai din laga shikli  te juntu andhera te thakishe utu fisla laga din karone juntu sobse dangor din ase. Jude 1:6. Utu duth khan tai khan laga mahima ke harai loishe tai khan laga Gaurav nimite. Samson jun hi israle ke faisla di thakishe harai loishe tai laga mahima ke kile koile tai nijor keg au laga lalach te dahlishe.

Raja Solomon bi nijor laga uttan thkaa ke harai llishe kile koile tai nijor laga rsta pora galat jai thakishe aur ekta dangor jaga bonai kene alag isor ke sheva kuri thakishe. Gehazi aru judas Iscariot nijor laga mahim ake haraishe tai khan laga poisa lga lobh pora.

Isor laga bacha khan, itu khan sob ke pobitro kotha te rakhi ken ease, apuni kejanabole aru shikhabole ki apuni isor ke bhoi kuribole jitya  apuni bi pobitro kotha ke poribo. Apuni khan bi ekta thik faisla kuribo lage ki apuni nijor laga uttam ke naharabole juntu bishi kimti ase.  Ami khan hunni pai kiman isor kam kuria manu khan, nijor laga mahima pora giri jai, kile koile tai khan itu pritibi laga lobh te giri jai. Kitya bi naharabi apuni laga mahima ke aru uttam hoa ke  juntu pap pora mafi paishe, notun jibon te aru hodai din laga jibon te.

Pobitro kotha te koi: hatai dibi apuni laga rasta utu biya maiki khan pora, aru kitya bi tai khan laga dorja te najabbi, nahoile apuni laga sonman alag te jai jabo, aru apuni laga saal khan biya te, aru bahar manu hi apuni laga dhon pabo aru apuni laga naukar khan apuni laga padosi khan laga gjor te jai jabo. Proverbs 5:8-10.

Aji bhabna kuribole laga pobitro kotha tu hoile Isaiah 40:6 sob gau khan ghas hi ase,a ru sob bhal khan phul nishina ase ekta kheti laga.