May 10 – Ayengan amandran Banangsan Adrabrabe!

“E Ruben, aman deba on-hen; ranapti-hen do ranadu-hen a pardi j’on; aman panemeng lingan murdadam do ranapti lingan murdadam” (Aparamangta 49:3).

Ruben karukkudan dele bo surda ganugun batte. Jakub a pardi o’anan dakule kuddub a o’ananji saring, anin na apardi-j’onna. Kitunglen, Abraaman a Kitungan, Isak a Kitungan do Jakub, janang Ruben a Kitungan gamle a gudingben bih dakule.

Ebri langlangan batte ‘Ruben’ a garamgaaman ‘O’on gija’. Do Soura batte ‘butente banangsa-dam’. Bindo anin abs’idle ateng baranji aj’oldaetenan batte a u’an a d’ong, kuddub banangsanji abs’zdle itente dakule amangban.

Sattang abs’zdle ted bindo a u’an amang saaring anangan janang hangle. Atanakudan a bernan a o’an abmele, Jakub anangan tiyle Ruben a d’ong gamten: “Aman a lalardan ambrij, manurdadam-nam addakue, iten asan gamlenden aman barelnaba-hen iyan iyle, antate pansardi abmele” (Aparamangtan 49:4).

Ateng mandranji daku ayengan a mandranji bangsa adrabrabji, gugudage Kitungan a d’onganji abdainaeten. Bibolan gamte: “Bar ayengan a ruling pisirdianji abmanggodan er dakkulabe a darakudamanji umdrengleji, aninii a d’ong murda dinnan a banitsaran sikkoi ja lungudan a jaitan, tanolbad lingan Am’n turturte” (Judan 1:6). Pisirdian janang a kinsan batte abs’zdle. Samson janang, Israel maranji abitasara mar, a panemengan abs’zdle anin er maridan a baran alumlen asan.

Raja Solomon a banangsa abs’zdle iten asan gamlenden sagai yiranyirre bigarda kitunganji a d’ong iyeten kube. Gehazi do iskarit Judan janang abs’zdle ganijmadan batte a ganugunji.

Tanahimdam Kitungan a onagji, kan kudduban a bernaji bibol-lingan anidolan dele, agadlamben do agadludben abmele d’ongben iten asan gamlenden amben janang Kitungan a banagtong-lingan a dakun asan, angante bibolan akinolte. Ambendaman surpid-damlen banangsanji a hangben dete itdeleja. Anlen amdanglabe ateng Kitungan a boantanji agalutenji ate ganuguban saring, ordardage a ganijmadan asan. Abs’zddong itente amben tanamadan ahangle gugudage do banangsan batte pintun saring, anablun, janababan do erahidan a mandrengna saring.

Bibolan gamte: “Amben kan insalon saring tangor-nam sangai dakkua, bar anin a s’ingan a garannan adamban a yerdong. Yerrenden ganugu-nam bzgarda mandranji a d’ong tiyte, do er suyem maranji a d’ong ambendaman minhumanji a tiyte. Er abmad maranji bitti-nam batte barijteji, do manangga bara-ben a j’on bzgarda jatti mar a s’ing lingan tanartuman dete” (Bangsa Hanang 5:8-10).

Okiy Kinolbe absele: “Bo mandra a sarrangan gamte, Oblenga; ansaring bo mandra gamte, Iten oblengai? Kuddub mandranji agaban ambrij, do aninji a kuddub lananggan jannong lingan a tarban ambrij” (Jisaiya 40:6).