May 10 – ABHISHEKH ARU POBITROTA!

Leviticus 8:22,24 “aru tai anishe dusra ram saguli, ram saguli abhishekh nimite. Aru moses dhalishe olop khun dahina kaan laga kinar te, aru angutha dahina hath te, aru dangor anguli dahina theng laga”.

Poila bhag Leviticus laga shikhai ami khan ke abhishekh kora kotha ke aru dusra bhag shikhai ami khan ke pobitrota, juntu mananiya ase Isor ke. Itu duita alag as eek dusra pora. Abhishekh tu ekta kaam ase; hoilebi pobitrota tu ekta kuchis ase. Abhishekh ase shuru; aru pobitrota ase hekh. Khali jitya apuninijor ke sapha kori lobo, apuni paribo agh barhibole thik pobitro ta te. Abhishekh ase jor aru pobitrota ase dhalai utu uporte.

Isor Jisu dhalishe Tai laga kimti khun ke amikha ke sapha koribole nimite. Aru Tai dishe amikhan ke chuni loa Pobitro Atma laga, bonabole ami khan ke pobitro. Ami khan sapha hobo lage utu dagi pora paap khanlaga juntu amikhan korishe ityatok; aru bonibo lage pobitro ki ami khan laga paap adot ami khan usor nahibole.

Pabole khemai paap khan pora aru mukti ami khan atma laga ase natija ami khan sapha hoa laga. Apuni khan sapah hobole pare apuni khanlaga paap khan pora ek din te hi. Hoilebi pobitrota ase jibon bhor khuchis aru anubhav. Purana niom te, pondit khan lagai khun ke ram saguli laga tai khan laga dahina kaan laga kona te, aru angutha te dahina hath laga aru dangor anguli dahina theng laga. Ki dihai itu khan pora?

Poila, khun kona te dahina kaan laga: khun ke lagabole lage apuni laga kaan te hunibole kotha ke Isor laga pura utsukta pora. Apunikhan sapha koribo lage apuni laga kaan khan ke. Apuni hunibo lage awaz ke Pormeshwar laga, koi kene; “kobi Isor, apuni laga naukar  hune”

Dusra, khun angutha te dahina hath laga: itu dikhai ki kaam ami khan hath laga aru ami khan matralay laga. Chela paul hudishe: “Isor, ki koribo dibo mon Apuni amike?(acts 9:6). Judi hath khan sapha thake apuni laga matralay shaktishali hobo.

Tisra khun dangor anguli te dahina heng laga: theng dikhai ghoshna kora Susmachar ke. Apuni bi mili bo lage Isaiah logote aru kobo lage: “yate ase ami! Pothabi ami ke”. Upaj bhorta ase hoilebi kaam kora kom. Hobole dibi apuni laga theng sapha kobole Susmachar ke. Apuni nijor laga rasta te thakibo lage koribole Tai laga mantralay, bhorta hoi kene Isor laga morom pora.

Isor laga bacah khan, hodai dhakabi nijor ke khun logote Krista laga. Sapha korbi sob angha apuni gau laga Isor ke ekta saman nishina dharmikta laga. Isor ase pobitro aru Tai bonabo apuni ke pobitro. “ami bisare apui ke itu karone, bhai, daya pora Isor laga, ki dibo apuni nijor laga gau ke ekta jinda daan nishina, pobitro aru mananiya Isor ke juntu ekta bhal kaam ase” (Romans 12:1).

Aji dhyaan koribole laga pobitro kotha tu hoile Colossians 2:7 “jori kene aru uthaishe Tai te aru khara korishe biswas te, jinika apuni ke shikhaishe, gherav kori kene itu te dhonyabaad  pora”. AMEN!