May 09 – YEE SRESHTATHAN JATHAN KARLIDEKONIJAKO

Agadiyar grandh 49:3  Rubenu thu mar moto beta mar jorenan thakather agadiyarphal chi thu mar motpaner badayin jorer badiyi sada thuj.

Ruben yek motpanethi pedavojako cha. YAKOBER beptama Rubenaj agedi pedavojethi von pedavojannathij hakhdaripan malgicha. Abraham Issac ann Yakober Dev kan kevalo Dev Rubener Dev kan sada kerarocha.

Hebrew vathema Ruben katho ‘Dek ,yek betan ‘ kan aratham cha. Ajji Tamilema’ Sundarethi chajako’ kan aratham. Athra moto vethojako yee vor baper vupa pathnivuma yekethi paap kidojethi vor motpanen avanujako sreshter venton sejini gamalido.

Hanu vor venton gamaleroj konipan Yakob vu jayer mundag saraap denako. Agadiyar grandh 49:4 Ruben thu yekjaag thameniju javajako panir nai thu phal deseni ,kankren katho thu thar Baper manchan apavithra karnako jethi.

Ajakal dekatho masaj admivo Prabhu vadithi amelijako sreshtathana mahimana gamalevu karacha. Dever vath sada hanu samalavacha, Yuda 1:6 Vunder hakkamer jaagena jathan karleniju ,vunder vasser jaagena choddinejako sojana ,moto daader nevevaas andharo gadapema , hameshar saanklithi bhandan jathan karmelocha. Dever sojavo Vunder badayithi vunder mahiman gamalidey ann Samson sada vu kidojako vyabhicharer vadithi vor mahiman gamalino.

Solomon sada dusar devathavun gudi bhandan bhokano chadayojethi vu sada Dever  mahiman gamalido. Gehaji ann Yiscarioth Yuda vunder pisar asar vadithi Dever mahiman gamalidey.

Mar premer Dever beptavo thu Prabhu dinojako rakshanan hamesha rajako vu Asmanen javajethanu jathan karlastho Gener grandh 5:8-10  Thar vatena raand beerethi cheti rakaad ,vor bakaler dai jomath . Jaavastho thar maanena paralevalenan,thar vummarer dadena phajithi karevalena dedechi . Paraleval thar dhannethi dhapacha. Thar kastaar  kamavni paralevaler gharema punchacha.