May 09 – PRABHUGI MINGDA CHAOTHOK-U!

“Kanagumba misingdi sagol garida thajaba thami,adubu eikhoidi Prabhugi ming ningsinggani.” (Psalm 20:7).

Taibangmi di masagi thabak aphaba natraga maipaksingbu yenglaga masana masabu thagatnei. Adubu eikhoidi Prabhugi nungshibada chaothokchei. Maramdi taibanggi ningthou singdi makhoigi sagol lanmisingda chaothokchei. Adubu eikhoidi thawai lomda chaothochaphamdi Iswar khaktani. Davidna hairammi, “makhoidi ture,adubu eikhoidi hougattuna chumna leipli.” (Psalm 20:8).

Jeremiahgi lairikta eikhoina asumna pari, “Prabhuna asumna hairi, “asingba mi aduna mahakki lousingda chaothoktasanu,aduga panggal kalliba mi aduna mahakki panggalda chaothoktasanu,aduga inak khulliba mi aduna mahakki lanthumda chaothoktasanu.”  (Jeremiah 9:23).

Matam amada athoiba dut oiramba Lucifer asi mahakki lousinggi mapanna chaothokchaba adugi damakta mahakna leikha takhi aduga mahak bhutsinggi makok oirakle. (Ezekiel 28:16).  Yamna aphaoba taibanggi scientist singna mioibasi yongdagi ollakpani haina phongdokkhi. Adubu makhoigi punshi gi aroiba tangkak tu kayam wana loikhibage haibadu eikhoina uba phangi. Sastrana hai, “maramdi taibanggi lousing asidi Iswargi damaktadi apangbani.” (1 Corinthians 3:19).  Prabhuna su hairi, “asingba misinggi lousing adu mangtakle,” (Isaiah 29:14).

Akanba mina tukhiba adusu eikhoina ure,makhoina makhoigi panggalda thajaba amadi napal thamlammi. Wangchaoraba Goliathna David ki  piklaba nung macha amada tukhiba adu eikhoina khangle. Aduga Assyria gi ningthouna masagi lanmi  da thajaba thamlaga napan tourammi aduga Iswargi dutna mahakpu awaba thoudok amada mahakpu  para tambire haiba adusu eikhoina khangle. Akanba migi panggal adu mahakna sibagi phamungda hiptuna leiba matamda loikhi. Aduga makhoina sikhiba matungda di makhoina chaothokchariba adugi panggal mayam adusu mangkhigani.

Ngasisu nahakki chaothokchapham adu karino? Prabhuna hai, “mahakna masida chaothokchasanu,haibadi mahakna eibu khangba amadi gyan taba asigi damakta chaothokchasanu. Maramdi eihak Prabhuni,eidi nunghsiheiba,achumbada wayelli, aduga taibangda dharamchenba gi thabak touri. Maramdi eihakna masida nungaijaba  phangjei.” (Jeremiah 9:24).

Iswargi machasing,Iswarna nahakpu aphaba mahei masing tamba khudongchaba piba yai. Aduga nahakpu angangda bor pirambasu yai. Adubu madusinggi maramna nahak keidoungeidasu chaothokkanu. Madusing adu Iswargi nunghsibagi khudolni haina khangbiyu. Nahakna pu adugumba bor da wangna thanggatpirakpa Iswargi mangda nollukchou  amadi mahakki matik mangal adu thagatchou. Aduga Iswarna henna henna bor  pibirakkani.

Dhyan tougadaba, “mahakki mapanna nakhoina Christa Jesuda lei, mahakna eikhoigi damak Iswardagi oiba lousing, haibadi dharamchenba, sengdokpiba amasung  handokpiba mapu oibire, maram aduna masi iduna leiba adugumbani, “chaothokchaba mahak aduna Jehovahda chaothokchasanu.” (1 Corinthians 1:30-31).