May 09 – DUSRA DIN!

“Tirya Isor koishe, “hobole dibi tate akash majete Pani khan laga, aru hobole dibi itu ke bhag Pani pora Pani te” (Genesis 1:6).

Pobitro kotha pora ami khan dikhi pai Isor nijor hi koi thaka Tai laga nirmaan khan ke ekta ekta din laga. Homoi te nirmaan laga, jitya manu ke bonabole thakishe, Isor ke chari kene, kun bi darj koribo thakanai sob nirmaan khan ke Kitab te Genesis laga. Itu karone Tai Nijor hi darj korishe nirmaan khan ke, ki ami khan janibo kinika Tai nirmaan korishe sob saman khan ke.

Pobitro kotha te koi, “biswas pora ami khan buje ki prithi ke bonaishe hobdo khan pora Isor laga,bki saman khan juntu ke dikhishe bana nai saman khan pora juntu dikhe”. (Hebrews 11:3).

Isor nijor hi naam dishe sob saman khan ke utu homoi te nirmaan laga. Isor matishe puhor ke din aru andhera ke Tai matishe rati, aru Tai matishe akash ke Swarg.

Itu iki nirmaan korta Isor mati ase apuni ke naam pora pora morom te. Tai matishe Abram ke Abraham; aru Sarai ke Sarah. Kiman achurit ase morom Isor laga Jun chunishe apuni ke aru matishe apuni ke naam pora, agete itu nirmaan  khan pora bi

Tai khan nirmaan kora nahoi swarg ke hoilebi barhaishe itu ke pura disha phine. Hebrew laga bhasha te, itu ke koi, ‘pheli ja chador’. Itu Khali akash nahoi bhag kora swarg aru prithibi ke; hoilebi ekta drishti ase Isor mahima laga.

Job, manu Isor laga, achurit hoishe itu ke aru koishe, “Tai phelai diye uttar ke khali jaga te; Tai latkai prithi ke iku nathaka te. Tai bandhe Pani ke Tai laga mota badal te, hoilebi badal khan nabhange itu nichete. Tai dhakai chehra ke Tai rajyo laga, aru phelai diye Tai laga badal ke itu uporte” (Job 26:7-9).  Jitya apuni dikhe sob bhal aru mahima ke swarg laga, itu pora loi jabo lage apuni ke prashansha aru seva Tai laga ki Tai laga churit kaam khan karone.

Job 37:18 te ami khan porhe: “apuni phelai diye akash khan ke, iman tagot te jinika loha Aina?” Amos dikhishe mahima janak Isor ke aru koishe: “tai Jun bonai tai laga jaga te akash te,baru paishe tai laga jaga ke prithibi te; Jun mate Pani ke hagor laga, aru dhale tai khan ke prithibi laga chehra pora – Isor  ase Tai laga naam.” l(Amos 9:6).

Bacha khan Isor laga, Isor jun nirmaan korishe sob Tai laga adesh logote, di ase adesh biswas ke, pobitrota ke, aru swargya morom ke apuni laga jibon te aji. Tai adesh diye Divya Gyan aru budhi apuni laga mon te. Pobitro kotha te koi, “kintu Tai koi, aru itu hoi; Tai adesh diye aru itu khara hoi”.

Aji dhyan koribole laga Pobitro kotha tu hoile (Psalm 150:1-2), “prashansha Isor ke! Prashansha Isor ke Tai laga sthan te; prashansha Tai ke Tai laga mahaan akash te! Prashansha Tai ke Tai laga mahaan kaam khan ke; prashansha Tai ke hosab te Tai laga utaam mahanta ke!”