May 09 – DEEMO DAD

Vujji Dev jalamer vacha yek vishalatha veda kan kethanu vu jalamenan yee jalamena ver veda kan ko.

Dev vu kidojako heryek dader bagey vor vuj Apanen malam karrocha. Manikya thayar vikonijer aangaj Dev srustin kidoju dekacha. Yee srustin kidojen lakkan dinojethi apanen ku kidoko malam karlerecha. Hebrivalun 11:3 viswasethij sari jag Dever vathethi srusti vikan, hanu dakavajako dekajemathi srusti vikoni kan kallacha kajako vathen vanchacha.

Devaj srusti kidojen sejini vuj nam padocha. Vajalena Dado kan, andharen vajalo kan vishalathan asman kana balayo.

Hannu balayojako Devaj sey premethi thon sada balarocha. Abramen Abraham kanan Sharayin Sara kan Dev balayo. Yee jagathina pedakidokonijer angaj Dev thon sada premethi nam padan balarocha. Aadima Dev sari srustin genethi phelavaju kidocha lapan yekkaj jag rer vasu koni.

Yobu 26:7-9 vachanema suryar mandalethi vuthar dikkuma chajako asmanen vu paracho Sunyamema jammin haljamelocha. Vunder heta modam chiravanaju vu Prabhu vor modamema panin bharmelocha. Vor vumpar modamena phelathanu Dev vor simhasaner vajalena goknakocha kan Yobu kerocha. Parachoch kajako vath Hebrir vathemar aratham cha.

Yobu 37:18 jaadas raju Kachen thayar kideju asmanen Dev phelayoju thu phelachika? Kan savaal puchrocha

Amos 9:6 asmanema vorsaruj bhandojako myadir gharevo, asmaner mandalama jammin punadhi ghalevalo vuj, samundrer jalamena balathanu jammipar phelavaju karevalo vuj, vor namaj Yehova

Ajji jada dhyan Karen pado Geeder grandh 150:1-2 Yehovana stuthi karo, vor pavithar aanganema Yehovana stuthi karo, vor jorena malam karajako asmanema vona stuthi karo. Vor jorer kamevas vona stuthi karo. Mahimaro vor motpanevas vona sthuthi karo.