May 08 – PUHOR ARU ANDHERA!

“Isor alag korishe puhor ke andhera pora.“ (Genesis 1:4).

Isor jun dikhishe puhor ke bhal, dikhanai andhera ke inika bhal. Andhera thake jote puhor nai. Puhor ke ase shakti; hoilebi andhera nai inika shakti. Puhor ke ase shakti hatabole andhera ke; aru ase ashirbad ujala laga

Isor alag korishe puhor ke andhera pora. Bacha khan bi Isor laga dikhabo lage itu jibon ke alag kori kene andhera pora. Din khan te ami khan bachi ja laga – din te jitya puhor susmachar laga julikishe ujala pora ami khan mon te, ami khan alag koribo lage nijor ke sob andhera aru moila khan pora; aru jiyabo lage ekta jibon saphar aru alag Isor karone.

Isor hudi ase ami khan ke: “ki milap ase dharmikta laga niom nathaka khan logote? Aru ki milap ase puhor laga andhera logote? Aru ki rishta ase ase Krista laga belial laga? Aru ki bhag ase ekta biswasi laga ahbiswasi logote?”2 Corinthians 6:14-15)

Isor adesh dishe ami khan ke: “itu karone “ahibi bahar tai khan pora hobole alag. Nachubi ki ase moila” (2 Corinthians 6:17)

Andhera dikhai paap ke; andekha kora aru kaam khan andhera laga. Sadharan te manu khan nabisare andhera ke; kilekoile andhera te tate ase khatra zeherila jontu khan laga; chor khan laga.

Sadhu Sundar Singh likhe inika tai laga ekta kitab te, hermit laga: ‘ekta hermit ghrina kore puhor ke. Tai icha nakore sabole puhor ke. Toh, tai jaishe andhera gufa te aru nirantar tate thake Bishi saal nimite, nasai kene iku puhor ke. Hoilebi jitya tai ulai ahishe Bishi saal pichete, tai janishe ki tai laga suku harishe tagot ke lobole puhor aru hoishe pura andhera. Nathaki kene drishti, utu hermit jaishe pura jibon ke biya stithi pora.’

Itu nishina, Jun khan jiyai andhera te paap laga, naparibo khara koribole agete puhor te Krista laga hodai din karone. Aru tai khan ke ulai phelabo maujudgi pora Isor laga aru phelai dibo hodai din laga andhera te narak laga.

Hoilebi Isor dishe Tai laga nijor Putro ke- Isor Jisu ke bodlabole utu andhera ke puhor te. Pobitro kotha te koi, “nagar ke nalage Suraj aru chandh jilikibole itu uporte, kilekoile mahima Isor laga julikishe itu te. Memna ase itu laga puhor” (Revelation 21:23).  Bacha khan Isor laga, Isor pora dikhabo apuni ke andhera pora haar aru paap laga, ki  apuni pabole rajyo ke puhor laga.

Aji dhyan koribole laga Pobitro kotha tu hoile  (2 Samuel 22:29) “kintu apuni ase ami laga chaki, o Isor; Isor pora ujala koribo ami laga andhera ke”.