May 08 – Panaledan do Lanungudan!

“Anten asan Kitungan lanungudan saring panaledan abansaeten” (Aparamangtan 1:4).

Jajingante a kanalkalanji batte birinda-lingan kanalkalan yirtai. Bogad bo mandra kan ambrij lumlenden”. Runkkulen erdakulenben, bo sanna berna asan. Anab-yagi lingan, Bigardanji amanglen.*

Ateng kanalkalanji sagaite pedde, do sanabyun deteben. Agajanangden er ganaludan dakute birinda-lingan. Kan ambrij anlen a bigardanaben abmele anogandin pangtabe, Ateng mandranji oganditeji bigardanji alumtenji a bara ganaroijdage. Anlen daman kilkilnaben dete, iten gamte bibolan ganagadan abmele.

Do anabgugun ayengan. Amandranji lagaddamtenji. Gamangtungan boiboi langkadam dele janang oseng maranji apsele asuyemgijte. Anin ruang rajam lingan murdadam na, butente abjaitadamten anin ganugun hangte (2 Korintianji 6:14-15).

Dile ayam Kitungan do mandran amangba lagaddamnaba. Kitungan, labaddi maranji a d’ong Anin asuyeman tiyte (2 Korintianji 6:17).

Bo dinna bo mandran saroban saring yireten, jandrumanji batten tambigarda-godan sanle”. Anin ogandile kun ajandruman agadben abmele tungnadam orde itja gamle

Angante U’an Kitungan anualan amdangle, Do buten yirte anlen abmele, Kitunglen Jisun Kristun lagaddamlen tiydamneten U’an aitsum alumben abmele, Anin gijle bo radu jandruman tanangle daku Labyu-bablen daku. delejanang, ateng j’ole kun a jandruman, erkinsalenben.

Angante kan ambrij gijle, Kan ambrij a lagaddamna aninhanglen kun ayam-lingan anabgugun dele. Jajinganti ayamlen angante Kitungan a mandranji.

Jangardan a taniytiyan batte yirtaji. Orde bogad Kitungan a baraling hanamdraman dete, aninji bigardaji a d’ong gijgijteji, do kinsan batte. Aninji lagaddaman apsele Jisu Kristun amang saring.

A hangnaben dete iten ambrij dakule Jisu Kristun a lagaddamana. Bar Anin mandradage abg’ittalen. Tagad labaddidamlen, karahidan, u u arakaddang lingan a karahidan sikkoi a manne-eten (Anabpungge 21:23). Tanahimdam Kitungan a onagji, Amben amangba goble lagaddaman abmele hangnaben dete.

Okiy Kinolbe absele: “E GAMANGtung, Aman na lippa-hen; Aman lanungud-hen abpuangte” (2 Samuel 22:29).