May 08 – Gugudam Sanibdaiberanji!

“Kan batte Anin ateng janattidage do gugudam sanibdaiberanji tiylalen” (2 Pitor 1:4).

Agajanangden bibolan sanibdaiberanji abmele gadlamte, bo bernan ambrij ted kan ate, bindo ateng janattidage do gugudam sanibdaiberanji. Engale bo bernan ambrij, amben ganlutaben janattidage sanibdaiberanji.

Kan ambrij alumben dete bo mandran janang sanibdaiberanji. Dane maranji do surda maranji janang enegoina sanibdaiberan tiyteji ateng mandranji a d’ong. Bindo jajzngante ayamlen, aninji kun asanidaiberan lumle adrabtieji. Kuddub atikki, aninji amangban itjaja adakue; kan ambrij ayaman amanganji.

Angante amben agijte bo soa tankan, amben sanidai beranji abmele atiyte, kuni lingan Reserve Bank fo India a sontoko dakute. Anlen gijtabe ateng desanji, dane-maranji gadlamteji surda surda sostanji takudte gamle etigoi lebun janang bandateji. Anlen janang kan ambrij gijtabe lebunji, joldaleban dakute. Kan ambrij ayamlen, buteja asanibdaiberan baran adnabojoraieji?

Bindo Kitungan asanibdaiberanji gijgijba. Anin gamle: “Riangan do ordaran s’zdte, bindo berna-Henji anga janang abs’zde” (Mattiu 24:35). Bibolan gamte: “Mandran a joldaberten ambrij Kitungan ette ted; do mandran a monna bandaten ambrij Kitungan ette ted. Itente Anin jzbjzbte antate Anin adnabojoraie po? Orde Anin a bereten ambrij, Anin adlume po?” (Danisam 23:19).

Kitungan sidaiberle a o’an do absittale Abraam saring. Do Anin ranaptidam dakule abojoraiben asan, engale sidaiberle. Bibolan gamte: “Anten asan kahid ambrij a delen abo mandran saring, mangan a tuituijanji ambrij osara osara maranji, do ganingdan a pardi lingan a lakkijan ambrij er danisamdage mandranji karudkudan deleji” (Ebri 11:12).

Tanahimdam Kitungan a onagji, bogad Kitungan d’ongben sanidaiberan tiylabenanden, raduloge hamba. Do danukan ayam-janangden ads’idong. Barij dernan batte do omdile dakunaba enrang arduaih sikoija. Anin ayaman, sanibdaiberan abojoraile d’ongben absittate.

Okiy Kinolbe absele: “Iten asan gamlenden Kitungan a itente a Sanibdaiberanji dakun kud- duban a anuun Jisun amang Ilngan daku. Kun asan Kitungan a ganugu panemengan apsele Anin batte anlen” (2 Korintia 1:20).