May 08 – ACHOUBA WASAKSING!

“Madugi mapanna eikhoina thoidok hendokpa amadi mamal yamlaba wasaksing adu phangle.” (2 Peter 1:4).

Sastragi waheina wasaksinggi maramda ngangba matamda, icham chamna haide adubu thoidok hendokpagi maongda phongdokpi. Hairiba asigi mapanna eikhoina khangba ngamba adudi  athoiba wasaksing adu eikhoina khangba ngammi.

Mi amana atoppa amada wasakpa haibasi mahousa ni. Government amadi officialsingna misingda tongan tonganba wasaksing thambi. Aduga makhoina karigumba matamda madusing adu thunghanba ngamdaba matam lei. Maramdi makhoidi mi oibani aduga karisu nataba ngaihak leiraga kenba yaba leiranggumbani.

Nahakna lupa cha amagi note yengba matamda pairiba mi aduda lupa cha ama wasakpi haiba adu nahakna ugani. Madu Reserve Bank of India gi Governor na soi toukhrabani Lam ayambada eikhoina uba phangba adudi  sarkarna denominations khara adu chatnararoi haina laothokpa aduni aduga anouba peisa puthokpa su lei. Aduga karigumba matamda asenga notes marakta fake notes sijinnaba su lei. Adugumba phibam aduda nahakna kanagi wasakki makhada ngajage?

Adubu Iswargi wasak aduda yengbiyu. Mahakna hai, “swarga malem mangkhigani adubu eigi wahei di bindu amatasu manglaroi.” (Mathew 24:35).  Sastrana hai, “Iswar asi mioiba nate, mahakna oidaba ngangloi aduga pukningsu hongloi. Mahakna haidokkhraba sing adu mahakna pangthoktana leigadra?  (Numbers 23:19)

Iswarna Abrahamda machanipa ama pigani haiduna wasakpirammi. Aduga mahakna mahakki matik mangal gi matung inna madu thunghanbikhi. Sastrana hai, “maram aduna mi ama, haibadi sibagumba mi asidagi atiyagi thawangmichakkum yamlaba amasung samudra mapangi leingoigum masing thingamdaba mising thoklakkhi.” (Hebrews 11:12)

Iswargi machasing,Iswarna nahakpu wasakpirabadi madugi wasak adu chetna paiyu. Madu thinthaba tourabasu nahak pukning hanthaganu. Mapum phaba thajaba thammu aduga Iswarna mahakki matamda thunghanbirakkani haina akhang kanbaga loinana ngaibiyu. Iswarna mahakki matamda mahakki wasaksing adu thunghangani aduga nahakpu bor  pigani.

Dyan tougadaba, “maramdi Iswargi wasaksing pumnamak mangondadi hoini, aduga eikhoigi maramna Iswargi matik mangangi damakta mangonda Amen oire.” (2 Corinthians 1:20).