May 07 – VAJAALO HACHO

Agadiyar grandh 1 :4 Dev vajalen dittojana vu hacho vethi.

Dev kidojako vajalen yekkaj koni lapan dadi dadi kidoju sejini dekan yee hacho cha kan keldo.

Agediyar 1 adhyayama Dev srusti kidojako vajalen dekan hacho kan kojako vathethi shuru vacha. Dev kidojako sari srusti hacho Ajji sey dad sada hachaj. Deven nammejen sey dad hachaj lapan Deven viswas kidekoni jena thodsek dad hachon Ajji thodsek dadevo hacho koni kan kelacha.

Ma yek dad Yisraelevalema chajako Canan deker mouka malijana hamen mundag chalayevalo manna dekan Canama theenmo dad kassen vaaya kide kan pucho jana manna massaj achamo vegi. Yudulevalena Mangalvarer dad ghano mukhya jethi vundadaj vaaya karlajako kuni vethadu reda navaleri reda vunden bhalayi vacha kan vunder vacha viswas karach.

Lapan apaner Bharath deshema kuni reda Mangalvarer dad keri vaaya Kareni. Kassen katho vu Dado vaya karatho vu dhanin gonnina hacho veni, vo massaj gareeb vejavacha kan kelacha.

Mar premer Dever beptavo thona Dev srusti kidojako heryek hachoj heryek Dado hachoj, heryek vagathen Dev barobbar karan voma phaido cheniju kunsi cheni.

Jethi Dever vathema apan sammor karlen seva kara jana dekrojako Dev bharpur Bahuman devalo cha.

Jethi Yesu Christhu ye sey kamen barobbar karan sejini yek vathema yee hacho ha kan kerojena dekacha.

Ajji jada dhyan Karen pado Luka 19:42 Thon malojako yee daduma thoi thar samadhaner khabarena thona kathraiko acho, pan abba vo thar ankina aadam cha.