May 07 – Panaledan Bangsa!

“Bar Kitungan panaledan gijeten do antate bangsa” (Aparamangtan 1:4).

Anin ruang rajam lingan murdadam na, butente abjaitadamten anin ganugun hangte. Dile ayam Kitungan do mandran amangba lagaddamnaba.

Kitungan, labaddi maranji a d’ong Anin asuyeman tiyte. Bo dinna bo mandran saroban saring yireten, jandrumanji batten tambigarda-godan sanle”. Anin ogandile kun ajandruman agadben abmele tungnadam orde itja gamle.

Angante U’an Kitungan anualan amdangle, Do buten yirte anlen abmele, Kitunglen Jisun Kristun lagaddamlen tiydamneten U’an aitsum alumben abmele, Anin gijle bo radu jandruman tanangle daku.

Lagaddamlen daku. Labyu-bablen daku. delejanang, ateng j’ole kun a jandruman, erkinsalenben, bindo labyu-bablen. Angante kan ambrij gijle, a j’e-lingan m’oihle. Kan ambrij a lagaddamna aninhanglen kun ayam-lingan anabgugun dele.

Jajinganti ayamlen angante Kitungan a mandranji Jangardan a taniytiyan batte yirtaji. Orde bogad Kitungan a baraling hanamdraman dete, aninji bigardaji a d’ong gijgijteji, do kinsan batte. Aninji lagaddaman apsele Jisu Kristun amang saring a hangnaben dete iten ambrij dakule Jisu Kristun a lagaddamana. Bar Anin mandradage abg’ittalen.

Tagad labaddidamlen, karahidan, u u arakaddang lingan a karahidan sikkoi a manne-eten. Anab-bagu lingan, “Seletten. Hen gamlai, gija, E Kitung, itsum Nam a manneben asan‘Hen yertai. Gamle kambolan? a‘ aneded ol lirigan Hen abmele anidan daku”.

Anin lagaddamlen do manile, A mihaman alaben asan, anlen abmele (Sanenken 118:24). Mandrengna-lingben anabgugun sanaisai po. Orde bo surda dane mar a deben.

Tanahimdam Kitungan a onagji, amben amangba goble lagaddaman abmele hangnaben dete. Anten asan butente kan a sanna passijan ambrij lagaddamten orde abhanamar adeben, eteden lagaddaman dakupo. Eteden ambendaman lagaddamlen adakuten. Lanagadan battena ganugun.

Okiy Kinolbe absele: “Bogad nami, manan, kan dinna-ling-nam, aman galamlenden, sanabyugod-nam bindo nami mad-nam a ganijgijan saring antate sonoson dele” (Luk 19:42).