May 06 – VAJAALO VOTHA VEDA

Agadiyar grandh 1 :3 Votha  vajalo veda kan Dev ko vajalo vego.

Vajalena vikiranalena Dev thar jeevanema ayevalo cha. Mahimaro vajalena Devaj thar jeevanema devalo Dev cha. Vuj andharemathi vajalen layoju thar jeevanema sada chavnujako anand, sampurnatha, shanthin, samadhan devalo cha.

Sey srusti kidojana andhrethi haal navenukan kethanu Dev Dusar srusti karer aanga vajalena srusti kido.

Yek andhena dekan Apanen tharey lagacha kunika. Yekvela taang na rathoi banch sakkeja kaiko lapan anki cheniju banchero butha veni.  Dev vajalen srusti kidojako apan dekan Khushi karenaj. Apaner ankithi srustima chajako sunder pakshivo, jaanvarevo, ajji kholavo, jhadevun deker saru Dev Apanen anki dinocha.

Apaner mayima chajako ankithi Dever asmanena, vor krupathi deken daya dakalocha.

Aposthal Paul 2 Corinthivalun 4:6 vachanema andharemathi vajalena jhankeda kan kojako Dev, Yesu Christhur mundepar vor mahimar Gener vajalena dakalaju karena, hamar dallema jhankocha kan kerocha.

Hamar dallema Dev vasarojen ham savaad karan dekrecha kan Dever bepta kunvatho mann badlalinechko vunder gavai Yeej. Yee ankithi Bap Deven dekrecha katho Yesu Prabhu Vorvuj havaal karlen vor loyeen redo jesaruj kan herdemellenu. Hannu Apanen papen dholinejako abba Mar Bap Dev kan balarecha.

Yohan 8:12 pher Yesu vundethi vathe karan – Ma jagathina vajalo chu,Marlaar ayevalo andharema chaleniju jeever vajalena palacha kan ko.

2 Corinthivalun 4:4 Dever sayaa ven chajako Christhur mahimar hach khabarer vajalo, viswasiyuna jhankeniju rena, yee dharthinr Dev vunder daller ankina andho kidocha kan Dusar janner bagey kerojena vanchacha .

Ajji jada dhyan Karen pado Ephesivalun 5:8 Penar daduma tham andharema vethe, pan abba Prabhuma vajalo ven cho, vajaler beptar nai chaljavo.