May 06 – Jznjzn Bangsa Bittin!

“Iten asan gamlenden amben koijo maranji ampara kanalkalan a sayele, do ruang Iingan jznjzn bangsa do er san’zddage bittin amben apsele daku, gamle galaman galamle amben a bittin a ranujun dele ja man’oihan batte a sayele. Anten asan ayengan a anuywb ben gugudaman a uhulkuijan hangte, antate aszddong” (Ebri 10:34-35).

Kitunglen bo surda dane tiylangten do tette-lingan bittin hangtabe. Kan a berna dane a garamgaman ananluran orde itente ate ted. Kan gadlamte bittin do hangdrangan. Labon do danenji u’anlenji amang saring anumdrengan dete. kan ate ordardage a danen. Bindo Kitungan gamte bangsa bittin abmele ruang-lingan itente daku.

Engale Abraam sadungle Kitungan a d’ong, anin hangle kinani desa bo bittin ambrij abasuben asan. Namintan sikoija ateng mihnuman yireten, Israel maranji namintan man’oihan batte basule daku.

Yan abanangsan dane Kitungan atiyaitenan ate? kanina ate ruangan a darakunana, Kitungan agabdile adarakuna anlen abmele – Kristun batte adakunaben adarakuna. Ateng darakunanji daku u’an a s’ingban, kun saring Kitungan adtiylangne, bindo anlen abmele asoi gabdilte. Anin ampara adakunaben erahidage a mandrengna-lingan, itente Anin gabdile darakunan.

Kan adarakuna saring, Amangan ateng ranubabanji daku bittin ambrij. Ateng ranubabanji daku tette mandrengna ranubaban janang, gugudage a ranubaban, man’oihdage ranubaban ayengan amandranji dainan hangteji aninji abmele. Banangsa anabhanalingan adakunji amandranji abmele a ranubaban kan ate. Bindo kuti-lingan saaaaring ateng, ordardage aganijmadlingan s’idleji, gugudage adane abs’idleji.

Anappai Pol dile ayam aganijgijan banangsa ruangan adarakuna abmele a daneben asan gijgijle. Anin Kitungan a d’ong abgugule: “Yante gamle amben U’an a d’ong a sente, iten asan gamlenden panaled lingan badloyim maranji a danen.a mittub a hangben asan Amn melaben. Tungnadjf Anin lungudan a ranaptio sarlng ablulalen, do Anin 3‘1 gammy‘ma“ a ‘ en. Onan a raJanIltggg” (Kolosi 1:12-13).

Tanahimdam Kitungan a onagji, ambendaman akilkilnaben dete do ordardage akanurkur-lingan galulaben orde itja. Madben aganijgijan banangsalingan do ruangan a dane-lingan adakuben dete.

Okiy Kinolbe absele: “Bar janang Anin amang lingan anlen danen hanglabe, iten asan gamlenden ayengan a Kitungan a tam itsuman a ganabrij’en ambrij sabbihan abgadelte, Anin a tam monnan ambrij anlen aparamangtan tanabngijan delabe” (Episi 1:11).