May 06 – HOBOLE DIBI TATE PUHOR!

“Titya Isor koishe, “hobole dibi tate puhor”; aru tate thakishe puhor”. (Genesis 1:3).

Isor jun ase puhor, icha kore dibole puhor Tai laga bacha khan ke aru loi jai tai khan ke puhor laga bacha hobole. Itu karone, sob morom logote, Tai adesh korishe aru koishe, “hobole dibi tate puhor”, aru nirmaan korishe mahima janak puhor.

‘Puhor’ ase sobse agete majete sob nirmaan  kora khan Isor, kilekoile puhor nathaka, sob nirmaan khan  gehra pora dubi kene andhera. Itu hi karon ase kile Isor nirmaan korishe puhor ke agete dusra nirmaan khan laga.

Jitya ami khan dikhe ekta andha manu ke Jun napare dikhibole puhor ke, ami khan bhorta hoi Daya pora utu Manu karone. Ami khan Daya kore aru koi, ‘ekta Manu kinika jiyai iku theng nathaki kene, hoilebi itu biya ase jiyabile iku drishti nathaki kene’.

Isor Pormeshwor Jun nirmaan korishe puhor ke dishe ami khan ke drishti dikhibole aru anondo koribole puhor. Isor modot korishe ami khan ke dikhibole sundor pahar khan ke, ghati khan ke, chriya khan ke, gash khan ke aru phul khan ke.

Tai dishe ami khan ke anugrah dikhibole Isor ke swarg laga, ami khan laga bhitor mon pora.

Chela Paul koi, “kilekoile itu ase Isor jun adesh dishe puhor ke jiliki bole andhera pora, Jun julikishe ami khan laga mon te dibole puhor ke Gyan laga mahima laga Isor  chehra te Jisu Krista laga.” (2 Corinthians 4:6).

Jitya ekta Manu jonom loi, Isor jilike tai laga mon te aru itu ase gawahi sob bacha khan Isor laga Jun khan bachishe. Itu ase Khali utu puhor te, ki ami khan dikhe Baba Pormeshwor ke; aru Jane Isor Jisu ke Jun phelaishe Tai laga kimti khun ke aru dishe nijor ke ami khan karone. Itu Khali utu puhor dwara ki ami khan mate Tai ke,”Abba, Baba”, bacha khan hoi kene Tai laga.

Isor Jisu koishe, “ami ase puhor prithibi laga. Tai Jun piche kore Ami ke naberabo andhera te, hoilebi thakibo puhor jibon laga”. (John 8:12).  Hobole dibi Isor jun adesh diye puhor ke andhera pora ulabile, jiliki bole apuni te aru bhorta koribole apuni ke aru apuni laga porivaar ke Tai laga mahima janak puhor pora!

Hobole dibi hosa puhor ke dibole puhor sob Manu ke Jun ahe itu prithibi te, ujala koribole apuni laga jibon ke pura! Aji, manu khan ase puhor Tai khan te; utu ase puhor susmachar laga Krista mahima laga, Jun ase chabi Isor laga. (2 Corinthians 4:4).

Bacha khan Isor laga, nahobi santusht pai kene ekla puhor ke susmachar laga. Apuni ke alag dorkari zimmedari khan bi aae. Itu ase kaam loi jabole utu puhor ke aru punchibole hazarta manu khan ke Jun khan janibole baki ase Krista Jisu ke.

Aji dhyan koribole laga Pobitro kotha tu hoile (Ephesians 5:8) “hoilebi itya apuni ase puhor Isor te. Berabi bacha khan hoi kene puhor laga. (Ephesians 5:8).