May 05 – VAJAALO

Agadiyar grandh 1 :3 Votha vajalo veda kan Dev ko vajalo vego.

Vajalena vikiranalena Dev thar jeevanema ayevalo cha. Mahimaro vajalena Devaj thar jeevanema devalo Dev cha. Vuj andharemathi vajalen layoju thar jeevanema sada chavnujako anand, sampurnatha, shanthin, samadhan devalo cha.

Sari jagema Bibilena ‘VAJALERO GRANDH’ kethanu balarecha. Agediyar grandh 1 adhyamama  vajalo veda kan Dev koju akharir grandh Malaki 4:2 vachanema niyather beptavo jhankeda kan kerocha.

Navvo kararema chajako Mathai 2:9 vachanema genidharevun yek jhankrojako tharar vajalo vunden bala Yesu Prabhu kan chalayoju dekacha. Darshaner grandh 22:16 sabhama ye khabarena, Yesu Maj Mar sojan melo, Ma Davider jhadan, valaderan, jhankajako parabhathir thara chu kan ko.

Ma jagena vajalo chu jethi Mar beptavo sada yee andharer jagema vajalema chaljavunu kan ko. Ajji vu Prabhu apan yek andharer sharer vumpar vajaler sthambhar nai jhankanu kan asa karrocha.

Yohan 1:9 vu Prabhu jagathima aan, heryek manikyani jhankaju karajako vajaloj, vu saaso vajalo. Raj kojena vo samlan gejana, yidek hetaal dittejako thara, baala rajako jaager vumpar aan thammajethanu, vunder aanga go.

Geeder grandh 119:105 thar vaath Mar taangen diyyon, mar vatena vajalo kan David koroch. Vuj Geeder grandh 32:8 Thon ma sikhan, Thu chaler vatena thona dakaluchu, Thapar mar nanzar rakadan thona seekvadi duchu kan vanchacha.

Aposthal Pethru 2 Pethru 1:19 andharer Jagema jhankajako diyyer nai cha kajako bhakthidharer bachan sada cha 1 Yohan 3 :2 Premevavalavo, abba apan Dever bepta cha, abbepar kim remacha kan vujji malam vikonthi Athoi Dever mahimana dekacha kajako bharoso mellen renu.

Ajji jada dhyan Karen pado 2 Corinthivalun 3 :18 apan vagado mundethi Dever mahimana kachema dekaju dekan, Athmar Prabhuthi vu sayaama mahimapar mahima palen roop badal jaaya.