May 05 – MAUJUDGI ISOR LAGA ARU ANONDO!

John 15:11 “itu kotha khan Ami apuni ke koishe, ki Ami laga anondo thakibo apuni te, aru ki apuni laga anondo bhorta hobo”.

Jitya ami khan bohe Isorlaga theng te aru sai Tai laga sona nishna chehra ke, ami khan bandhi jai Tai laga swargiya maujudgi logote. Tate swargiya morom aru anondo aseTai laga swargi ya maujudgi te. Itu karone David koi: “Apuni laga maujudgi te ase bhorta aru anondo; Apuni laga dahina hath phine ase khushi hodai din karone” (Psalm 16:11).

Tate bishi ase jun khan bhabna kore ki judi tai khan loi Isai dharm ke, tai khan aru kitya bi dukh napabo sob homoi te. Itu hosa nahoi. Itu zaroori ase prathna akoribole tai khan karone kandi kene, aru kobole tai khan laga bhar ke. Aru itu bhar sai thaka ase manu khan laga atma ke rasta te hodai din laga mora te chapai diye ami khan laga monk e. hoilebi utu homoi te hi jitya ami khan rakhe ami khan laga chinta ke itu achurit swargiya maujudgi te Isor laga aru shuru kore mahima koribole Tai ke- titya swargiya anondo ahe ami khan laga mon te; aru ami khan bhorta hoi anondo aru khushi logote mon te.

Bishi stithi te jitya ami khan laga Isor Jisu te dikhishe nirash nishina. Itu hosa ase ki Tai bi kandishe khara kori kene lazarus laga mora jag ate. Hoilebi utu iki Isor Jisu anindo korishe atma te (Luke 10:21). Tai jane anondo ase maujudgi te Pormeshwar laga. Tai apuni ke bi bhorta kore Tai laga mujudgi aru anondo te.

Krista laga din khan te, scribes, Pharisees aru Sadducee’s khan thakibo lagishe nirasha laga chehra. Hoilebi Isor Jisu icha korishe Tai laga anondo janak atma ke dibole. Tai kosom dishe: “itu saman khan Amikoishe apuni ke ki Ami laga anondo thakibo apuni te aru ki apuni laga anondo hobo bhorta” (John 15:11).

Itu swargiya maujudgi te ase anondo aru khushbi atma te. “kilekoile rajyo Ppormeshwar laga nahoi khali kha piya laga, hoilebi ase dharmikta laga aru shanty aru anondo pobitro Atma te” (Romans 14:17).

Judibi Raja David samna koribole lagishe bishi samasya khan, tai hodai hi mahima kore Isor ke aru anondo pai Tai te. Ami khan pore Hannah laga kotha jun dhale tai laga dukh khan ke theng te Isor laga aru prathana kore. Tai prathana kori kene tai laga rasta ja homoi te, tai laga chehra te dukh nadikhe. Isor laga bacah khan, bhugi bi mon te salha chela paul laga: (anondo thakibi isor te hodai din”.

Aji dhyan koribole laga pobitro kotha tu hoile 2 Corinthians 6:10 “jinika dukhi hoi kene, thake anondo te; jinika dukhiya, hoilebi bonai dhon ke; jinika iku nathaki kene, aru hoilebi pai sob saman khan ke”.