May 04 – SRESHTA CHAJAKO SHER

Hebrivalun 11:16Vona konipan ,vothini sreshter swargenaj asa kido,jethi Dev vunder Dev kan keralen laaj kareni , vundervas yek sharen thayar kidocha.

Apan dekajema dharthiparer deshan asmaner desh chakunika. Ajji malkemar rajyam cha ann Hamesha reran heriyabager rajam sada cha. Hameshanaj rero desheparan vu jager vumparaj thar nazar mellenu.

Agadiyar grandh 12:1 vachanema Abrahamen Dev kacha , Thar deshena thar katmalena  thar baper gharena chodan ma dekalujako  deshen jo kan ko. Devsogan khan dinojako Canan kajako deshaj Abrahamer deshethini jada sundarvencha. Vu Canan deshema gatlavo kholavo ajji kannai dudan mangaler ghee radan javukaracha.

Abraham yee dharthiparer jagen reda deshen reda dittotho koni. Hebrivalun 11:9-10 vachan kacha Viswasethi Abrahamen bachan vojako malkema paradeshir nai banachan,vu bachaner sath haasodhar Issakethin, Yakobethi derama vasso .

Kassenakatho – Devaj bhandan banayojako punadir vu sherevas,Abraham vaat deklen ra. Abrahamer Issaker Ann Yakober dadema vu hamesha rer jagen cheti vethey. Hanu dekatho vu hamesha rer jaagen deken apanaj  akharir daden dekevaler nai masaj dai dagaryayecha. Apaner Prabhu ayeron vu hariyar baag jhaldinaj ayeval cha. Yohan ajji vor chelavo kidejako bhodhan herdelaler vagathema dekatho vo sada ” Dall  badlalo Dever Rajyam daichakan key”.

Kunvatho vu asmaner deshepar nazar melemelechko vunden yee djarthiparer rajyamen khathar kareni. Philippivalun 3:20 vachan kacha ,Pan apan vasaab swasrgema cha,vothothi Rakshak Prabhu Yesu Christhu Ayer vaat dekrecha.

Jethi Asmaner Rajyameperaj tham sos karo. Viswasethi Abrahamen bachan vojako malkema paradeshir nai banachan,vu bachaner sath haasodhar Issakethin, Yakobethi derama vasso, kajako Abrahamer darshan lelen chalo

Mar premer Dever Beptavo yee jeger cheejevupar asa mellomath. Ma savukar venu ,hacho kamavnu ,jindagi hachrenu kan dallema sos karmath. Thu hamesha hanu kelenu ma yee dharthiparethi asmanen yek navvo manikyar nai ann yathar mugasnaken ayevalo dakal renu. Shudh dall vu dallema shudh sosethi bharaler bancberoj thar mukhyavada kam vencha kan bhulamath.