May 03 – Jznjzn Bangsa Kanuban!

“Dernan batte Koyen a kanuban saring Ebal bo jznjzn bangsa kanuban Kitungan amang kubeten. Kun asan, Aman roitaddam, gamle anin sakkin hangeten” (Ebri 11:4).

Iten asan gamlenden Abol a kanuban janajadam do man’oihdam Kitungan aganijgijle dakule, anin hangle Kitungan amang saring roitadam gamle anin sakkin hangeten. Do namitan galamtabe iten asan gamlenden a kanuban bo bangsadam dakule.

Bagunji Adam a o’anjina. Angante koyen guddangan abaranaben abmele oskailen, Abol gupa baran lumle. Bagunji Kitungan amangba kanuban kubleji, do aninji panglaji itente boiboi bangsadam Kitungan aamangba. Bindo bo mandran a kanuban bo bangsadage dele, do Kitungan jaeten, bo maandra ate adja’ad. Angante amben kan ambrij amben agijte, do a ogandite Kitungan iten asan bo mandran ate jaeten bo amandra ate iten asan adja’ad.

Bindo angante amben a gijte bangsale, amben agalamte abolan a dirna ate a j’en saring, kun asan a kanuban bo bangsadam dele. Anin dirnadage adakulen asan iten ambrij akanuban pangben dete Kitungan aa d’ong am’oihben abmele, do kun ambrij lumle. Amben janang, angante Kitungan amangba kanuban apangtai, amben agalamben dete do bo bangsa kanuban apangtaih ate, kun batte Kitungan karaloge m’oihte. Dirna batte, hadab do janajadage a kanuban batte a kubben dete.

Bibolan gamte: “Bindo dernan sadan sadle Anin a d’ong abm’oihben jugardamdam. Iten asan gamlenden butente Kitungan amangban addamten, anin, Kitungan daku do Anin a d’ong a saijtenji .a mandranji a d’ong uhulkujan tiyte naL gamle a demaben dete na” (Ebri 11:6).

Abol, Kitungan a itsuman alapsoben abmele askainete, iten ambrij a kanuban atiyben dete Kitungan a d’ong antate anin hanglen. Do anin a hangneten asan Kitungan a d’ong abm’oihle, anin bo surdan anabpunge gijle. Anin galamle Jisu Kristun a o’an murkundrangan gamle, butente Anindaman kubdamten, mandrengna kanuban ambrij barij ordaran a pintunji abmele, bar Anin a t’odang adrie gamle, angante murkundarngan uraiteji do akirdinlen s’ite. Abolan kan a kudduban gijle, a dirna madan batte, anin panglai aboi murkundarngan kanuban abmele. Do Kitungan ateng m’oihle

Tabme Anosaij ayam-lingan, bo surda bangsa kanuban amben alumben dete Kitungan amangba. Kun a kanuban abmele Bibolan iten gamte. “Anten asan, e buhanganjil Kitungan anabasuyeman asan hen garbertaben do, d’ong-benji am’eng kanubge, mariddam, bar Kitungan apsele tungna-jana, gamle apsuile tiyba. Kanate j’edage sanen- pwr gangkil bara-ben” (Romi 12:1).

Okiy Kinolbe absele: “Palang uggaran Kitungan janaja kanuban. E Kitung, Aman palang do abyarj’e uggaran adnarde-e” (Sanenken 51:17).